ଜୀବନ :କେତେ ସତ, କେତେ ଶଠ

ସମାନ୍ତରାଳ ଜୀବନ ଆଉ ତାର ଦୃଷ୍ଟିଭଙ୍ଗୀ

କେବେ ଏକା ଏକା, କେବେ ସାଥେ ସଙ୍ଗୀ |

କେବେ ଅଶାନ୍ତ ମରୁଝଡ, କେବେ ଶାନ୍ତ ବେଳାଭୂମି

କେବେ ଖୁବ ପାଖା ପାଖି, କେବେ ଦିଗନ୍ତ କ୍ରମି |

କେବେ ପୂର୍ଣ୍ଣ ଅନୁଭବ, କେବେ ଅବଶୋଷ,

କେବେ ଭୟ ଉଦ୍ରେକକାରୀ, କେବେ ସେ ସାହସ | 

 

କେବେ ନିଦାଘର ଧୂ ଧୂ ଟାଣସିଆ ଖରା,

ତ କେବେ ବର୍ଷାର ଢୁ ଢୁ ଅବାରିତ ଧାରା |

କେବେ ଉଆଁସୀ-ପୂର୍ଣ୍ଣମୀ ରାତିର ଜହ୍ନ  

କେବେ ଉଦାସ ଅପରାହ୍ନର ଏକଲାପଣ |

କେବେ କାଳଚକ୍ରରେ ଭବିଷ୍ୟତ ସ୍ଵପ୍ନ ଭଗ୍ନ  

କେବେ ଭାବନାର ଖିଆଲି ରାଜ୍ୟରେ ମଗ୍ନ |

ଜୀବନ ! କେତେ ସତ ?...ଅବା କେତେ ଶଠ?

କେତେ ଯାତ୍ରା ଆଉ କେତେ ତା'ର ପଥ ?