ଜୀବନ ଦୋଳି

ଜୀବନ ଦୋଳିରେ ଜୀବନ ଦୋଳି

କେତେ ଦିନ ଆଉ ରହିବୁ ଝୁଲି।୧

ପାଚିଲା ପତର ପରିକା ହୋଇ

କେବେ ଝଡି଼ଯିବୁ ପାରିବୁ କହି?୨

ତଥାପି ନିଇତି ଖେଳୁଛୁ ଦୋଳି

ମନ ମନ୍ଦିରରେ ସୌନ୍ଦର୍ଯ୍ୟ ବୋଳି।୩

ତୋର ପରି କିଏ ଅଛି ହେ କୁହ

ପଡୁଥାଉ ପଛେ ଅନନ୍ତ ଲୁହ।୪

ଜଗତ କଲ୍ୟାଣ କରି ବସୁଛୁ

ବିଶ୍ୱ ହିତେ ମନ ବଳାଉ ଅଛୁ।୫

ଭାରି ତନୁମନ ଉଚ୍ଛନ୍ନ ହୁଏ

ଈଶ୍ୱରଙ୍କ ପାଖେ କି ଭାବ ଥାଏ?୬

ଆସୁଛି ପାର୍ବଣ ସଂସାର ହାଟେ

ଦେହ ଓ ମନରେ ନ ଦେଇ ଚୋଟେ।୭

ବସି ଦୋଳି ଖେଳୁଥାଆ ନିତିକି

ଈଶ୍ୱର ସହିତ ଭାବ ଥୋଇକି।୮

ହେ ଜୀବନ ଦୋଳି ଘେନ ପ୍ରଣାମ

ମୋର କିନ୍ତୁ ସଦା କାହିଁକି ଭ୍ରମ।୯

ଜୀବନ ଦୋଳିରେ ଜୀବନ ଦୋଳି

ସାତ ରଙ୍ଗ ଦେହେ ଦେଏରେ ବୋଳି।୧୦