ଜୀବନ ବ୍ୟାକରଣ
ଜୀବନ ବ୍ୟାକରଣ
କେବେ ଆନ୍ଦୋଳିତ
ଶବ୍ଦ ବ୍ୟାକରଣରେ
ପ୍ରତିପାଦିକ ପ୍ରତି ଶବ୍ଦରେ
ପ୍ରତି ଧ୍ବନିତ...
ଆଉ କେବେ
ହିଲ୍ଲୋଳିତ ତରଙ୍ଗରେ
ଦୋଳାୟିତ ହର୍ଷୋଲ୍ଲାସରେ l
ଦୟା କ୍ଷମା ଶାନ୍ତି
ପରିପୂର୍ଣ୍ଣ ବିଶେଷ୍ୟ ଗୁଣରେ
ସାହସିକତା ନିର୍ଭୀକତା
ଆଉ କେବେ
ପଳାତକ ବିଧେୟ ବିଶେଷଣ ସାଜି
ଯୁକ୍ତ ହୁଏ ସଂଯୋଜକ ଅବ୍ୟୟ ରେ l
କେବେ କେବେ ହଁ, ଆଜ୍ଞା
ଆସ୍ତି ସୂଚକ ସୂଚୀତ କରେ
ଜୀବନ ଦର୍ଶନ
ଆଉ କେବେ
ନାଁ ନାହିଁ ନାସ୍ତି ବାକ୍ଯ ରେ
ଆମନ୍ତ୍ରଣ କରେ
ଘନ ଘୋର ଯୁଦ୍ଧ l
ବିଶ୍ବାସ ର କ୍ରିୟା ସୂଚନା ରେ
ନିବିଡତା ଆହୁରି ଗଭୀର ହୁଏ
ଆଉ କେବେ କିଏ କାହିଁକି କଣ
ସନ୍ଦେହ ପ୍ରଶ୍ନ ଚିହ୍ନ ରେ
ଦୂରତା ର ଗାର ଟାଣେ
ଜୀବନ ପୃଷ୍ଠା ରେ l
ତୁମେ ଆଉ ମୁଁ ସମ୍ପର୍କରେ
ସେମାନେ କିନ୍ତୁ ପ୍ରଶ୍ନ ନେଇ
ସର୍ବ ନାମ ପିରାମିଡ୍ ତୋଳେ
ଆଉ କେବେ
ଶଙ୍ଖ ହୁଳହୁଳି ଧ୍ଵନ୍ୟାତ୍ମକ
ଅବ୍ୟୟ ରେ ନିଜକୁ
ସମର୍ପିତ କରେ... ପଦ୍ମ ପାଦରେ l