ଝୁରେ ରାଧା ରାଣୀ

ତୁମେ ରାଗ ହେଲେ ମୁଁ ତୁମ ରାଗିଣୀ

ତୁମେ ହେଲେ କୃଷ୍ଣ ମୁଁ ରାଧା ରାଣୀ

ତୁମେ ଚାନ୍ଦ ହେଲେ ମୁଁ ତୁମ ଚାନ୍ଦିନି

ତୁମେ ପ୍ରେମ ହେଲେ ମୁଁ ପ୍ରେମ ବିରହୀଣୀ

ହେ କଳା ନାଗର ଝୁରେ ରାଧା ରାଣୀ ll

ତୁମ ପାଇଁ ପ୍ରଭୁ ଆଖି ବୁଜିଥିଲି

ତୁମ ଜନ୍ମ ଶୁଣି ଆଖି ଖୋଲି ଦେଲି

ସତୀ ଶିରୋମଣି ନୀତି ବୋଲାଇଲି

କଣା ମାଠିଆ ରେ ପାଣି ଆଣି ଥିଲି

ତୁମେ ଦିବା ହେଲେ ମୁଁ ତୁମ ରଜନୀ

ତୁମେ ନଦୀ ହେଲେ ମୁଁ ତୁମ ତରଣୀ

ହେ କଳା ନାଗର ଝୁରେ ରାଧା ରାଣୀ ll

ତୁମ ପାଇଁ କେତେ ନିନ୍ଦା ମୁଁ ସହିଲି

କୃଷ୍ଣ ନାମ କୁ ହୃଦେ ମୋ ଧରିଲି

ତୁମରି ପ୍ରେମରେ ଘୁଙ୍ଗୁର ବାନ୍ଧିଲି

ତୁମ ବଂଶୀ ସୁରେ ନୀତି ମୁଁ ନାଚିଲି

ତୁମେ ସ୍ୱର ହେଲେ ମୁଁ ତୁମର ବାଣୀ

ତୁମେ ଶବ୍ଦ ହେଲେ ମୁଁ ତୁମ ଲେଖନୀ

ହେ କଳା ନାଗର ଝୁରେ ରାଧା ରାଣୀ ll