ଝରା ଶ୍ରାବଣ

ଉତ୍କଳୀୟ ଋତୁ ବରଷାର କାଳେ,

                ଝରା ଶ୍ରାବଣର ବର୍ଷା

ଚତୁର୍ମାସ୍ୟା ମଧ୍ୟେ ଧାରା ଶିରାବଣ,

                ସୂରୁଜ କରୁଛି ଈର୍ଷା ।

ମେଘ ସବାରୀରେ ଓହ୍ଲାଇ ଆସିଛି,

     କଳା ବାଦଲର ଝରା ଶ୍ରାବଣ,

ହସିଉଠେ  ଧରା ଫୁଲିଉଠେ ସିନ୍ଧୁ,

     ହଟିଲା ନିଦାଘ କଷଣ ।

ମେଘୁଆ ପାଗରେ ଚାଷୀ ଭାଇଟିଏ

      ଧାଏଁ ତାର କ୍ଷେତ ବାଡ଼ିକୁ,

ବରଷ ଯାକର ଖୋରାକ ଯୋଗାଏ,

      ମେଣ୍ଟିଯାଏ ରାଜ କରକୁ ।

ଏହି ଶ୍ରାବଣରେ ବହେଯେ ଝରଣା

     ପାହାଡ଼ ପଡ଼ିଆ ତାର ଅଗଣା

ତୁହାକୁ ତୁହା ବରଷା ଧାରାରେl

    ବିଞ୍ଚି ଦେଇଯାଏ ସବୁଜ ବିଛଣା ।