ଜହ୍ନ
ଜହ୍ନ
1 min
182
ଜହ୍ନଗୋ!
ତୁମେ ନିଶୀଥିନୀ ମାଥେ ହୀରକ କୁଙ୍କୁମ ବିନ୍ଦୁ,
ତୁମେ ଜୋଛନାରେ ଭରା ସ୍ନିଗ୍ଧ ଶୀତଳ ସିନ୍ଧୁ।
ଶୁକ୍ଳପକ୍ଷେ ତାରା ସହଚରୀ ମେଳେ
ରୂପସୀ ରାଜ କୁମାରୀ,
ତେଜସ୍ୱିନୀ! ତୁମ ଶୁଭ ଆଲୋକରେ
ତମସାକୁ ନିଅ ହରି ।
ଚକୋର ମନର ସ୍ବପ୍ନ ତୁମେଗୋ
କୁମୁଦର ପ୍ରାଣ ବନ୍ଧୁ,
ପ୍ରେମୀ ଭାବୁକର ଅଶାର ପ୍ରତୀକ
ବିରହୀର କେନ୍ଦ୍ରବିନ୍ଦୁ।
ତୁମେ ଜୋଛନାରେ ଭରା ସ୍ନିଗ୍ଧ ଶୀତଳ ସିନ୍ଧୁ।
ବଦନରେ ଅଙ୍କା କାଳିମାର ଟୀକା
ସତେ କିବା ତିଳ ଚିହ୍ନ ,
ସନ୍ଦର୍ଶନେ! ଜନ-ମନ ହରିନିଏ,
ସୁନ୍ଦର ପୁନେଇଁ ଜହ୍ନ।
ତୁମେ ନିଶୀଥିନୀ ମାଥେ ହୀରକ କୁଙ୍କୁମ ବିନ୍ଦୁ,
ତୁମେ ଜୋଛନାରେ ଭରା ସ୍ନିଗ୍ଧ ଶୀତଳ ସିନ୍ଧୁ।