ଝାନ୍ସୀ ରାଣୀ ଲକ୍ଷ୍ମୀବାଇ
ଝାନ୍ସୀ ରାଣୀ ଲକ୍ଷ୍ମୀବାଇ
ଲଢ଼ି ଲଢ଼ି ରଣଭୂମିରେ କୁସୁମ ଗଲା ମଉଳି
ଝାନ୍ସୀ ରାଣୀ ଲକ୍ଷ୍ମୀବାଇ
ରହିଗଲା ସ୍ୱର୍ଗ ଚିର ଇତିହାସେ ନାମେ
ଅକ୍ଷୁର୍ଣ୍ଣ ଭାରତ ମାଟି ତଳେ ll
କଅଁଳ ହାତେ ବିଧାତା ଜୟ ତରବାରୀ
ବେକ ପୃଷ୍ଠରେ ବାନ୍ଧି ସନ୍ତାନ
ଘୋଟକ ବିରାଜି ତରୁଣୀ ବଳିଦାନ
ଉଦାହରଣ ସାଜେ ବୀରଙ୍ଗାନା ନାରୀ ସଦା ll
ରଣଚଣ୍ଡୀ ଗୋରା ରକ୍ତ ନିଏ ଶୋଷି
ଏକା ହାତେ ହଜାରେ ମୁଣ୍ଡ ବଧି
ପବନ- ବାଦଲ ଘୋଡା ଉଡେ ତେଜ
ରକ୍ତବୀଜ ଇଂରେଜ ନାଶହୁଏ ପ୍ରତିଥର ll
ବାଜି ଜିତିଥିଲା ଲକ୍ଷ୍ମୀ ଘୋଟକ ବାହିନୀ
କିଏ ତୋ ଦେଲାନି ସାହସ ଭରି
ସଙ୍କଟ ନାଳରେ କର୍ଣ୍ଣର ହେଲା ଅଭିଶପ୍ତ ବାଣୀ
ବୀରା ଲକ୍ଷ୍ମୀବାଇ ଚକ୍ରବ୍ୟୂହରେ ଗଲା ଫସି ll
ଆଜି ବି ଅଛି ଚିତ୍ର ସମୂହ ଏକା ରହି
ଅଭୁଲା ରାଣୀର ପ୍ରତୀକ ସାଜି
ଯେବେ ତୁମ କରୁଣ କାହାଣୀ ମନେପଡେ
ଲୁହ ବୋହିଯାଏ ଖାଲି ଇତିହାସରେ ଥାଏ ll