ଜାନିଛ କିନି ଜେ ?

ତମେଁ ଜାନିଛ କି ନି ଜାନିଁ ଜେ

ସେଟା ତମେଁ ଜାନ

ହେଲେଁ ଜାନିଁ ଥ କି ନିଁ ଜାନିଁ ଥ

ତମକୁଁ ଜନାବାର୍ କେ

ମୁଇଁ ଜତେଇ ହଉଛେଁ ବଲି

ଜମାନା ଜାନିଁ ଜଉଛେ

ମୁଇଁ ଜାଣା ଜନାବାର୍ କେ ଜାଉଛେଁ

ଜମାନା କେ ନିଁ ଜତାବାର୍ ତାଏଲ୍

ଫେର୍ ବି ଜମାନା ଜାନିଁଗଲାନ

କି ଜନାବାର୍ ଜିନିସ୍ ଟା କେ

ଜମାନା ନିଜେ ଜାନୁଁ କି ନିଁ ଜାନୁଁ

ତମକେଁ ହିଁ ଜାନବାର୍ ଜରୁରି ବଲି

ହେଲେଁ,

ତମେଁ ଜାନିଁ ନିହେଁ ପାର ।

ତମେଁ ଜାନିଁ ନିହେଁ ପାର ବଲି

ଜମାନା ଜାନୁଛେ ଆର୍ ମତେ ଜତଉଛେ କି

ମୋର୍ ଜେତେ ଜତାବାରେ

ତମେଁ ଜେନ୍ ଜାନିଁ ନିହେଁ ପାର

ତ ଜହ ଜତାବାର୍ ବି ଜରୁରି ନାଇଁ

କି ତମର୍ ଜାନବାର୍ ବି ଜରୁରି ନାଇଁ

ଜଦି ଜାନବାର୍ ଥିଲେଁ ଜାନ୍'ବ

ନେତ ଜେନତା ନିଁ ଜାନିଁ କରି ଅଛ

ହେନତା ନିଁ ଜାନିଁ ଜିଇଁ ଜିବ।

ଜମାନା ଜାନିଛେ କି ନିଁ ଜାନିଁ ଜେ

ସେଟା ଜମାନା ଜାନେଁ

କି ଜମାନା ମତେ ଜନାବାର୍ ଆଘୋନୁଁ

ମୁଇଁ ଜାନିଁ ଜେଇଁ ଥିଲିଁନ

କି ଜାଣା ଜାଣା ଜନାବାର୍ କେ

ଜେତେ ଜେତେ ଜତେଇ ହଉଛେଁ 

ସେଟା ତମେଁ ନିଁ ଜାନିଁ ପାରବାର୍ ବଲି।

ଜାହିର୍ ଆଏ ଜେ

ଜଦି ଜାନୁଥୁତ

ଜାଣା ଜନାବାର୍ କେ

ଜେନ୍ ଏତେ ଜତେଇ ହଉଛେଁ,

ଜତାବାର୍ ଆଘୋନୁଁ ଜାନିଁ ଜାଏତ

କି ଜତଉନ୍ ଜତଉନ୍ ବି ଜାନିଁ ପକାତ

କି ଜତାଲା ପରେ ହେଲେ ଜାନି ଜାଏତ ?

ତ ଜହ ଜନାବାର୍ ନିଁ ପଡତା

ଆର୍ ଜମାନା ବି ଜାନିଁ ନିଁ ପାରତା।

ଜେନଟା କି ତମେଁ ଜାନିଁ ନିଁ ପାରବାର୍ ।

ଜଦି ଜାନବାର୍ ଥିଲେଁ ଜାନ୍'ବ

ନେତ ଜେନତା ନିଁ ଜାନିଁ କରି ଅଛ

ହେନତା ନିଁ ଜାନିଁ ଜିଇଁ ଜିବ।

ତମର୍ ଜାନବାର୍ ଅଛେ କି ନାଇଁନ ଜେ

କିଏ ଜାନେଁ !

କି ମୋର୍ ଜତେଇ ଜତେଇ ଜନାବାର୍ ଅଛେ

କି ନାଇଁନ ଜେ ବି କିଏ ଜାନେଁ !

କିଏ ଜାନେଁ

"ମୋର୍ ଜନାବାର୍ ଆର୍ ତମର୍ ଜାନବାର୍"-

"ତମର୍ ଜାନବାର୍ ଆର୍ ମୋର୍ ଜତାବାର୍"

ଇ ଜୁଡେ କାଜେ ଆମେଁ ଜତନ୍ କରୁଛୁଁ ନି ନାଇଁ !

ଜାହା ଲାଗୁଛେ

ମୁଇଁ ଜନାବାର୍ କେ ଜେତେ ଜତନ୍ କରୁଛେଁ

ତମର୍ ଜାନବାର୍ କେ ହେତେ ଜତନ୍ ନାଇଁ

କି ତମେଁ ନିଁ ଜାନବାର୍ କେ ଜେତେ ଜତନ୍ କରୁଛ

ମୋର୍ ଜତାବାର୍ କେ ହେତେ ଜତନ୍ ନାଇଁ

ହେଲେଁ ଜମାନା ଜତନ୍ କରୁଛେ ଜାନବାର୍ କେ କି

ଜନାବାର୍ ନୁଁ ନିଁ ଜାନବାର୍ ଜତନ୍ ଟା ଜହ

କି ନିଁ ଜାନବାର୍ ନୁଁ ଜନାବାର୍ ଜତନ୍ ଟା ଜହ ବଲି ।

ଜମାନା ତମକୁଁ

କାଣା ଜତଉଛେ ଜେ କିଏ ଜାନେଁ

ମତେ ଜତଉଛେ କି

ଜନାବାର୍ ନୁଁ ନିଁ ଜାନବାର୍ ଜତନ୍ ଟା

ଜହ ଅଛେ ବଲି

ତ ଜେନ୍ ଜତେଇ ହଉଥିଲିଁ

ଜନାବାର୍ କେ

ଆର୍ ଜତାବାରେ ଜତନ୍ ନାଇଁ କରେଁ।

ଝନେଁ ଭଗବାନ୍ ଖାଲି ଜାନେଁ

ଜମାନା ତମକୁଁ କାଣା ଜନେଇଛେ ଜେ

ଜଦି ଜାନବାର୍ ଥିଲେଁ ଜାନ୍'ବ

ନେତ ଜେନତା ନିଁ ଜାନିଁ କରି ଅଛ

ହେନତା ନିଁ ଜାନିଁ ଜିଇଁ ଜିବ।