ଇଂରାଜୀ କଲମ
ଇଂରାଜୀ କଲମ
ଦିଶୁନାହିଁ ଆଉ ଜନ ମାନସରେ
ଓଡ଼ିଆର ରଙ୍ଗ ଢଙ୍ଗ ।
ଇଂରାଜୀ କୁହାଳି ଖଣ୍ଡି ଖଣ୍ଡି ମାରି
କରନ୍ତି ନିୟମ ଭଙ୍ଗ ॥
ନ ପଛେ ଆସଇ ଖାଣ୍ଟି ଇଙ୍ଗିରାଜୀ
ନ ଆସେ ଖାଣ୍ଟି ଓଡ଼ିଆ ।
ସମ୍ମାନ କୁ ନିଜ ମୁଣ୍ଡରେ ବୋଝେଇ
ଯୋଡନ୍ତି ଭାରି ବଢିଆ ॥
କେଉଁଠି ଲୁଚିଲେ ସରକାର ଆମ
କାହିଁ ଗଲା ମାତୃଭାଷା ।
ନିର୍ଲଜ, ଅଜ୍ଞାନୀ ମଣିଷଙ୍କ ଏଠି
କି ବଢେ ମୁର୍ଖତା ବସା ॥
ଥିଲେ ଯେବେ ବନ୍ଦୀ- କାରାଗାରେ ଛନ୍ଦି
ଏଇ, ଇଂରାଜୀ କଲମ ପାଇଁ ।
ଓଡ଼ିଆ ଲେଖନୀ ମୁକ୍ତ କଲା କାନି
ତାକୁ ଭୁଲିଗଲେ କାହିଁ ॥
ରହୁନି ମର୍ଯ୍ୟାଦା ଓଡ଼ିଆ ଭାଷାର
ଇଂରାଜୀ ବନାନ ବୋଳି ।
ବର୍ଣ୍ଣବୋଧ ପଢ଼ି ଯୌବନବୋଧରେ
ରଚନ୍ତି ଓଡିଆ ଗାଳି ॥
ଇଂରାଜୀ କଲମ ନ ମାରି ମଲମ
ବଢ଼ାଏ ଅଶ୍ଳୀଳ କ୍ଷତ ।
ଖାଦ୍ୟ ରୁଚି ସଙ୍ଗେ ପୋଷାକ ଚିତ୍ରରେ
କରେ ମନୁଷ୍ୟକୁ ହତ ॥
ଛାଡ଼ିଦିଅ ବନ୍ଧୁ ଇଂରାଜୀ ଲାଳସା
ଧର ଏ ଓଡିଆ ଗାଥା ।
ଉଜ୍ଜିବୀତ ହେବ ତୁମ୍ଭରି ଜୀବନ
ଉଚ୍ଚରେ ରହିବ ମଥା ॥