ଇନ୍ଦ୍ରଧନୁକୁ ଚିଠିଟିଏ
ଇନ୍ଦ୍ରଧନୁକୁ ଚିଠିଟିଏ
ହେ ଇନ୍ଦ୍ରଧନୁ ସ୍ୱୀକାର କର ମୋ ନିମନ୍ତ୍ରଣ କୁ
ଥରେ ଅବତରି ଆସ ଏ ଧରାପୃଷ୍ଠ କୁ ..
ପ୍ରତି ମୁହୂର୍ତ୍ତରେ ଏଠି ଅବସାଦ ର ବହ୍ନି ଜଳୁଛି
କ୍ରୋଧ ..ପ୍ରତିଶୋଧ ମାନବ ସମାଜ ର ଗହଣା
ସାଜିସାରିଛି ..
ସ୍ନେହ ଶ୍ରଦ୍ଧା ଓ ଭଲପାଇବା ଯେମିତି
ହିଂସା ଓ ପ୍ରତାରଣା ର କଫିନ ଭିତରେ ପୋତିହେଇଯାଇଛି ...
ଏଥର ହୋଲିରେ ମିଲେଇ ଯାଉ ସବୁ ମାନ ଅଭିମାନ
ତୁମ ସାତରଙ୍ଗରେ ରଙ୍ଗାୟିତ ହୋଇ
ଅୟମାରମ୍ଭ ହଉ ଏକ ନୂଆ ଦୁନିଆର ..
ନାଲୀରଙ୍ଗ ଢାଳି ଛଳନା ର ମରୁଭୂମି ରେ
ବୋଇ ଯାଅ ପ୍ରେମ ର ସଞ୍ଜିବନୀ ଟିଏ
ଧଳାରଙ୍ଗରେ ..ଏ ବିଶୃଙ୍ଖଳ ଜନମାନସ ରେ
ସୃଷ୍ଟି କର ଶାନ୍ତି ର ସ୍ରୋତ ଟିଏ ..
ପୁଣି ହଳଦିଆ ରଙ୍ଗ ଢାଳି ଉନ୍ମୋଚନ କର
ବନ୍ଧୁତ୍ୱ ର ନୂତନ ପୃଷ୍ଠା ଟିଏ ..
ସବୁଜ ରଙ୍ଗ ବୋଳି ସଭିଙ୍କ ମନ ଉଦ୍ୟାନରେ
ଫୁଟାଇ ଦିଅ ସକାରତ୍ମକ ଭାବନାର ସୁମନ ଟିଏ