ଈଶ୍ୱର
ଈଶ୍ୱର
1 min
178
ହେ ଈଶ୍ୱର !
ତୁମେ ବିଶ୍ୱର, ଅବିନଶ୍ୱର ପରମେଶ୍ୱର,
ତୁମେ ସୃଷ୍ଟିର ଅଟ ପ୍ରାରମ୍ଭ,
ପୁଣି କାରଣ ତୁମେ ଧ୍ୱଂସର l
ତୁମେ ଜଳ, ସ୍ଥଳ, ବାୟୁମଣ୍ଡଳ,
ତୁମେ ହିଁ ତ ନଭ, ଭାନୁ, ଚନ୍ଦର l
ତୁମେ ନିର୍ଜୀବ ମଧ୍ୟରେ ସ୍ଥାଣୁତା,
ପୁଣି ସବୁ ଜୀବ ମଧ୍ୟେ ଜୀବନ l
ତୁମେ ପଥରରେ ଶକ୍ତି ସ୍ୱରୂପ,
ପୁଣି ବୃକ୍ଷ ରୂପେ କର କଲ୍ୟାଣ l
ତୁମେ ପରିବ୍ୟାପ୍ତ ବିଶ୍ଵବ୍ରହ୍ମାଣ୍ଡେ,
ମୁହିଁ ଛାର ନର ଧୂଳି ସମାନ l
ଉଦ୍ଧାର କର ହେ କର୍ତ୍ତା ସୃଷ୍ଟିର,
ବିଶ୍ଵନିୟନ୍ତା ଘେନ ହେ ପ୍ରଣାମ l