ଇଏ କି ସଂପର୍କ
ଇଏ କି ସଂପର୍କ
1 min
324
ଅଚିହ୍ନା ବି କେବେ
ଚିହ୍ନା ଚିହ୍ନା ଲାଗେ
ପରିଚିତ ସ୍ବର
ଭାସିଆସେ ନଭେ
ସତେ କେତେ ଆପଣାର
ଦେଖୁଥାଏ ସିନା
ମନ ଆଇନାରେ
ଲେଖୁଥାଏ ନାଁ
ହୃଦୟ କାନ୍ଥରେ
ସପନ ପରିକା
ଲାଗୁଥାଏ ହେଲେ
ହୁଏ କି କେବେ ନିଜର।
ନିଜର କିଏ ସେ
ପର ପୁଣି କିଏ
ଆତମାକୁ ଯଦି
ଆତମା ଯେ ଛୁଏଁ
ସେଇ ସତ୍ତା ପୁଣି
ଚେତନାକୁ ଛୁଏଁ
ସଂପର୍କର ସେତୁ
ବାନ୍ଧି ହୋଇଯାଏ
ପାଣି ଫୋଟକାର
ଜୀବନ ତ ଇଏ
ସଂପର୍କର ମାନେ
ବୁଝେ ଅବା କିଏ
ହୃଦୟ ଆତ୍ମାର
ଇତି କଥା ସିଏ
ଭଙ୍ଗା ଗଢା ଦୁନିଆର ।।