ଇଛା ଭର ଚକାଆଖି

ମୋତେ ଯଦି ତୁମେ ନେଉଛ ପୁରୀରୁ 

ମୋ ବାପାଙ୍କୁ ଆଣ ପୁରୀ 

ତୁମରି ସେବାରେ ରହିଛି ଆନନ୍ଦ 

କିଛି ନୁହେଁ ତାହା ସରି 

ତୁମ କରୁଣାର ଆଶୀର୍ବାଦ ଧାରା 

ବହି ଯାଉ ତାଙ୍କ ପରେ 

ଯେମିତି ପ୍ରଭୁ ହେ ଆସିବେ ପୁରୀକୁ 

ରହିବେ ତୁମ ସେବାରେ 

ସତ୍ୟ ନିଷ୍ଠ ଆଉ ତ୍ୟାଗର ମୂରତି 

ଯେତେ ଯାହା ଭଲ ଗୁଣ 

ଭରି ଦେଇ ପ୍ରଭୁ କୃପା ଯେ କରିଛ 

ଯାହା ପାଇଁ ସିଏ ଭିନ୍ନ 

ତୁମେ ଦେଇଥିବା ଗୁଣ ଅନୁସାରୀ  

ହେବା ପାଇଁ ବାପା ମୋର 

କରି କରି ସିଏ ପାଆନ୍ତି ଆନନ୍ଦ 

ନ ଥାଏ ତ ଅହଂକାର 

ଝିଅ ବୋଲି ମୁଁ ଯେ ତୁମରି ପାଖରେ 

କରୁ ନାହିଁ ମୁହିଁ ଅଳି 

ରାତିଦିନ ଖଟି ସେବା ସେ କରିବେ 

କରି ସବୁ ଜଳାଞ୍ଜଳି 

ଯୋଗ୍ୟଅଯୋଗ୍ୟର ମାପକାଠି ତୁମେ

ବସିଛ ଦେଉଳେ ରଖି 

ଥରୁଟିଏ ପ୍ରଭୁ ଜିଲ୍ଲାପାଳ କରି 

ଇଚ୍ଛା ଭର ଚକା ଆଖି