ହ୍ୟାପି ସ୍ଲାପ୍ ଡେ

ସକାଳୁ ସକାଳୁ  ପ୍ରିୟାକୁ ମୋହର

ଯାଇଥିଲି ବନ୍ଧୁ ଭେଟି

ଯାହା ଘଟିଗଲା ସେଇଠାରେ ସବୁ

କହୁଛି ମୁଁ ଗୋଟି ଗୋଟି

ସୁକୁମାରୀ ମୋର ଗେହ୍ଲେଇ ପ୍ରିୟାଟା

ବସିଥିଲା ମନ ମାରି

ମୁଁ କହିଲି ପ୍ରିୟା ଡେରି ହେଲା ଟିକେ

ଆଇ ଏମ୍ ଭେରି ସରି

ଏଇ କଥା କହି  ହାତଟିକୁ ମୋର

ତା କାନ୍ଧରେ ଦେଲି ରଖି

ହାତଟିକୁ କାଢି ତା କାନ୍ଧ ଉପରୁ

ଠୋ ଠୋ ଦେଲା ସେକି

କହିଲା ହେଇଟି ମନ ଯେ ତୁମର

ଉଣା କର ନାହିଁ ଜମା

ସ୍ଲାପ୍ ଡେଟିକୁ ପାଳିବା ପାଇଁ ଯେ

ଏତେ ସବୁ ମୋର ଡ୍ରାମା