Library
Profile
ହୁଅ ନାହିଁ ରାଗି ତମ୍ ତମ୍
ହୁଅ ନାହିଁ ରାଗି ତମ୍ ତମ୍
1 min
211
ଡମ୍ ଡମ୍ ଡିଗା ଡମ୍ ଡମ୍
କଳା ମେଘ ଖଣ୍ଡେ ଆକାଶେ ଦେଖିଲେ
ମୟୂର ନାଚଇ ଛମ୍ ଛମ୍ ।।
ଡମ୍ ଡମ୍ ଡିଗା ଡମ୍ ଡମ୍
ଗୀତ ଛନ୍ଦେ ଛନ୍ଦେ ପାଦର ଘୁଙ୍ଗୁର
ରହି ରହି ବାଜେ ଝମ୍ ଝମ୍ ।।
ଡମ୍ ଡମ୍ ଡିଗା ଡମ୍ ଡମ୍
ହେଲେ ଗୀରିଷମ କିଦିନ କିରାତି
ଝାଳ ବହୁଥାଏ ଗମ୍ ଗମ୍ ।।
ଡମ୍ ଡମ୍ ଡିଗା ଡମ୍ ଡମ୍
ବାହା ବରତରେ ତା' ପଛକୁପଛ
କାମ ଲାଗିଯାଏ ଧମ୍ ଧମ୍ ।।
ଡମ୍ ଡମ୍ ଡିଗା ଡମ୍ ଡମ୍
ଗହଳି ଜାଗାରେ ମୋଟର ଗାଡିର
କାହାଳୀ ବାଜଇ ପମ୍ ପମ୍ ।।
ଡମ୍ ଡମ୍ ଡିଗା ଡମ୍ ଡମ୍
ଅଜାଙ୍କ ଉପରେ ରୋଷକଲେ ଆଈ
ବାଟ ଚାଲୁଥାଏ ଦମ୍ ଦମ୍ ।।
ଡମ୍ ଡମ୍ ଡିଗା ଡମ୍ ଡମ୍
ଶିବଙ୍କୁ ପୂଜାରୀ ପୂଜା କରେ ଡାକି
ବମ୍ ବମ୍ ଭୋଲେ ବମ୍ ବମ୍ ।।
ଡମ୍ ଡମ୍ ଡିଗା ଡମ୍ ଡମ୍
କେତେବେଳେ ହେଲେ କାହାରି ଉପରେ
ହୁଅ ନାହିଁ ରାଗି ତମ୍ ତମ୍ ।।
