ହସ

ହସି ପାରିବାର ଭାଗ୍ଯ କେବଳ

  ତମେ ଦେଇପାର ଈଶ୍ବର

ଅମୂଲ୍ଯ ଦାନ ଏ ମାନବ ପାଇଁ କି

   ମହାନ୍ ସୃଷ୍ଟି ତୁମର ।

କାହାର ମୁଁହରେ ଖିଏ ହସ ପୁଣି

   ଦେଇପାରେ ଜୀବନ୍ୟାସ

ସାର୍ଥକତା ଆଣେ ମଣିଷ ଜୀବନେ

   ହରିବାକୁ ଦୁଃଖ ତ୍ରାସ ।

ହସ ଲୁହର ଏ ଦୁନିଆ ଭିତରେ

   ହସ କେବେ ପୁଣି ଲୁହ

ଲୁଚକାଳି ଖେଳେ ମନ ମନ୍ଦିରରେ

   ବହେ ଯେ ସମୟ ସୁଅ ।

ଅନନ୍ଯ ହସର ଅନୁଭବ ଅଟେ

   ଶ୍ରେଷ୍ଠ ସୃଷ୍ଟି ମଣିଷର

ହସେ ନାହିଁ ଖାଲି ହସେଇ ପାରେ ଯେ

    ମହାନ ଭାଗ୍ଯଟି ତା'ର ।

ଦୁଃଖ ଭିତରେ ବି ହସେଇବା ପାଇଁ 

    ହବା ନାହିଁ କୁଣ୍ଠିତ

 ଅମୃତ ସମ ହସ ବାଣ୍ଟିବାକୁ

   କରିବା ଜୀବନେ ବ୍ରତ।।