ହୃଦୟରୁ କ୍ଷମା କରିବ

ଲେଖିବା ଲୋକଟା ବଡ଼ନୁହେଁ ଭାଇ     

ପଢିବା ଲୋକଟା ବଡ଼

ପଢ଼ିବା ପାଇଁ ହିଁ ଲେଖକ ଲେଖୁଛି

ପଢିଲେ ଲେଖାଟି ବଡ଼ ।

ଲେଖକ ଭାବୁଛି ଲେଖାଟେ ଲେଖୁଛି

ଉପହାର ଦେଇଦିଏ

କବିତା ଟି ଯଦି ପାଠକ ପଢିଲେ

ଲେଖାଟି ର ଶୋଭା ପାଏ ।

ଲେଖକ ସିନା ଲେଖୁଅଛି ଜଣେ

ପଣେ ପାଠକ ପଢ଼ନ୍ତି 

ପଣେ ପାଠକ ଲେଖାଟି ପଢିଲେ

ଲେଖକ ଆନନ୍ଦ ପାଆନ୍ତି ।

ଏମିତି ଲେଖା ଲେଖିବ ଯେମିତି

ପଢିବାକୁ ଭଲ ଲାଗିବ

ସରଳ ଭାଷାରେ ଲେଖା ଲେଖିଥିଲେ

ସମସ୍ତଙ୍କୁ ଭଲ ଲାଗିବ ।

ଅର୍ଥ ବୁଝିବା ଯଦି କଷ୍ଟ ହେବ

କିଏ ବା ଲେଖାକୁ ପଢିବ

ପାଠକ ଯଦି ଲେଖା ନ ପଢ଼ନ୍ତି

ଲେଖାଟି ଅଲୋଡ଼ା ହୋଇବ ।

ଯାହା ସତକଥା ତାହା ମୁଁ ଲେଖିଲି

ମୋହର କଥା ନ ଧରିବ

ହେ ଲେଖକ ବନ୍ଧୁ ତୁମେ ଆର୍ଯ୍ୟବିନ୍ଦୁ

ମରମ କଥାକୁ ବୁଝିବ ।

ମୁହିଁ ନିରଞ୍ଜନ କରେ ନିବେଦନ

ମୋତେ ଭୁଲ ନ ବୁଝିବ

ଯଦି ଭୁଲ ଭାବ କ୍ଷମା ମାଗୁଅଛି

ହୃଦୟରୁ କ୍ଷମା କରିବ ।