ହଁ ମୁଁ ସେମିତି

ହସର ଫୁଲଝରି ଓଠରେ ଫୁଟାଏ  

ହତାଶାର କରୁଣ ଚିତ୍ର ଦେଖାଏନା

ହାସ୍ୟ ରସର ସ୍ରୋତସ୍ଵିନୀ ସାଜେ  

ରୁଗ୍ଣ ହୃଦୟ କଥା ଭାବେନା  

ପବନର ଡେଣା ଧରି ଉଡୁଥାଏ ସିନା 

ପ୍ରାପ୍ତି ଅପ୍ରାପ୍ତିର ଉର୍ଧ୍ଵକୁ ଉଠିପାରେନା 

ହାରିବାଟା ମୋ ପାଇଁ ସୁଯୋଗ ଅବଶ୍ୟ 

 ହାରିବାକୁ ମୁଁ ଭଲପାଏନା  

ଵ୍ୟର୍ଥତାର ସେହି ଭୁରୁଭୁରୁ ଗନ୍ଧ  

ମନ ସଜ୍ୟ କରି ପାରେନା  

ସ୍ୱାଭିମାନର ସେ ଆଶାବାଡି ମୋର  

ହୃଦୟକୁ ମରିବାକୁ ଦିଏନା  

କାରଣ ହଁ ମୁଁ ସେମିତି

ଆଖିରୁ କାହାର ଲୁହ ପୋଛିଦେଇ  

ଓଠେ ହସ ତା'ର ଭଲ ଲାଗେ ସିନା  

ହୃଦୟକୁ ଯେଉଁ କୋଟି ସୁଖ ମିଳେ ତାକୁ  

ଦେଖେଇ ହେବାକୁ ଭଲ ଲାଗେନା  

ରଜାପୁଅ ବଗିଚାରେ ତୋଳିବାକୁ ଫୁଲ  

ମନ ଖୋଜୁଥାଏ ବାହାନା  

ଆଶାର ଲତାରେ ବେଣୀ ବାନ୍ଧେ ସିନା  

ଶେଷ ତାର ଖୋଜି ପାଏନା  

ମୁଁ ସଭିଁଙ୍କଠୁ ଟିକେ ଅଲଗା ବୋଲି  

ହୃଦୟରେ ହାତ ରଖି କହିପାରେ  

ଛଳନା ପ୍ରତାରଣା ଜାଲରେ ଛନ୍ଦି ହୁଏ ସତ  

କିନ୍ତୁ ବନ୍ଦୀ କେବେ ହୋଇପାରେନା  

କାରଣ ହଁ ମୁଁ ସେମିତି ।