ହଜିଯିବା ଶୂନ୍ୟତାରେ

ହଜିବାକୁ କାହାକୁ ଭଲ 

         ଲାଗେନି ସପନରେ

ହଜିନାହିଁ କିଏ କୁହନା

         ଅତୀତର ସ୍ମୃତିରେ ।।୧।।

ହଜିନି ବି କିଏ କହିବ

        ପ୍ରେମିକାର ପ୍ରେମରେ

ହଜିନି ବା କିଏ ଯୌବନର

        ଆଗ୍ନେୟଗିରିରେ ।।୨।।

ହଜିନେ କି ଆମେ ଶୈଶବର

        ଗାଁ ଦାଣ୍ଡ ଖେଳରେ

ହଜିଯାନ୍ତି ଛୋଟ (ଠୁ) ବଡଯାଏ

        ସମୁଦ୍ର ବେଳାରେ ।।୩।।

ହଜେ ଜୀବନର ସ୍ମୃତିସବୁ

        ପ୍ରକୃତିର ସ୍ପର୍ଶରେ

ହଜିହଜି ମନ(ଟା) ବୁଝେନା

       ସୁଖ ଅଛି ହଜିବାରେ ।। ୪।।

ହଜିବାକୁ ଇଚ୍ଛା ହୁଏ

        କେଉଁ ଏକ ପୂର୍ଣ୍ଣତାରେ

ହଜିବାର ଶେଷହୁଏ 

         ଆନନ୍ଦର ଶୂନ୍ୟତାରେ ।।୫।।