ହଜିଯାଇଛି ମୋ ବର୍ଣ୍ଣବୋଧ

ପାଶ୍ଚାତ୍ୟ ସଭ୍ୟତା ଗଲାଣି ବଢ଼ି

ମଡନ୍ ଯୁଗର ମଡନ୍ ସଭ୍ୟତା

ଚାରିଆଡେ ଖାଲି ସ୍ବାର୍ଥ କୋଳାହଳ

କାହିଁ ଦିଶେନାହିଁ ମାନବିକତା ।

ନାହିଁ ଏଠି ଆଉ ମାଆର ମମତା

ନାହିଁ ଭାଇ ଭାଇରେ ଏକତା

ନାରୀ ଆଜି ଏଠି ନାହିଁ ସୁରକ୍ଷିତା

ବାଟ ଘାଟେ ଆଜି ହୁଏ ଧର୍ଷିତା ।

 

ବଦଳିଛି ଆଜି ଗାଆଁ ପରିବେଶ

ଶୁଭୁନାହିଁ ଆଉ ଚାଟଶାଳି ଚାଟ 

ହଜିଛି କେବେଠୁ ଗୁରୁଙ୍କ ଆକଟ 

ସବୁ ଦୁଆରେ ସଜ ଇର୍ଷା କବାଟ ।

ବର୍ଣ୍ଣବୋଧ ବହି ଅଚିହ୍ନା ପାଠ 

ଭାଗବତ ବହି ପୁରୁଣା ଭାବ 

ଗୁରୁ ଗୁରୁଜନ ଅବହେଳିତ 

ଆପଣା ବାଗରେ ସଭିଏଁ ଶ୍ରେଷ୍ଠ ।

ବାରମାସେ ଏଠି ତେର ପରବ

ଶୁଭେଚ୍ଛାରେ ଭରେ ସଭିଙ୍କ ପେଟ

ରାଜନୀତିଆଙ୍କ ହଟଚମଟ 

ସବୁଠି ପଡ଼ିଛି ସ୍ବାର୍ଥର ଛିଟ ।