ହଜାଇ ଦେଇଛି କେତେ ମିଠା ସ୍ମୃତି
ହଜାଇ ଦେଇଛି କେତେ ମିଠା ସ୍ମୃତି
• ହଜାଇ ଦେଇଛି କେତେ ମିଠା ମିଠା ସ୍ମୃତି
• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା
• ---------- -------------------- ----------
• ହଠାତ୍ ଆଗ୍ନେୟ ଗିରି ର ଲାର୍ଭା
• ବିସ୍ତାରି ଗଲା ମନ ରାଇଜରେ
• ଅକସ୍ମାତ ଜଳିପୋଡିଗଲା,
• ହଜିଗଲା ସୁନାର ସଂସାର ,,
• ହଠାତ୍ ଭୂକଂପନେ ଥରିଗଲା
• ହୃଦୟ ଉପତ୍ୟକା ର ମନ୍ଦିର
• ଟଳିପଡିଲେ ସୁବର୍ଣ୍ଣ ପ୍ରତିମା
• ମିଳେଇଗଲା କୋଟିଏ ସଂଭାର ।।
•
• ସହସା ରୈ।ଦ୍ରରୂପି ବାଆ ବତାସରେ
• ଉଡିଗଲା ବାଇଚଢେଇ ର ବସା
• ଚିଁ,ଚିଁ ରାବୁଥିବା ସେ ଟିକି ସାବକ
• କିଏ ଆଉ କାହାର ଭରସା ,,
• ଯେତେଦୂର ଦେଖେ ଏଇ ଆଖି
• ମରୁମୟ ବାଲୁକା ପ୍ରାନ୍ତର
• ଧମନିରେ ସିଥିଳତା, ଆଖିର ଉଜ୍ବଳ
• ଅସ୍ତମିତ,, ହରାଇଛି ଅପୂର୍ବ ସଂମ୍ଭାର ।।
•
• ଭାଙ୍ଗିଗଲା ହଜିଗଲା ଗଲା
• ଜଳେ ନିତି, ଜାଳେ ନିଆଁ ର ଉହ୍ମେଇ
• ଜୀବନ ଟା ଏମିତି ଏକ ନାଟକ
• ହସ,କାନ୍ଦ ଫେଣ୍ଟାଫେଣ୍ଟି ଏକ ଗରମ କଡ଼େଇ,,
• ସେ କଡେଇରେ ନିତି ଭଜା ହୁଏ
• ମରିମରି ବ଼ଂଚିଥିବା ମନର ଚାଉଳ,
• ଅଶ୍ରୁ ଭରା ଲୋତକ ହାଣ୍ଡିରେ
• ମିଠା ମିଠା ସ୍ମୃତି ଦେଇଛି ହଜାଇ ।।
•
• ଟକ୍ ମକ୍ ଫୁଟୁଥିବା ଗରମ ଲହୁ ର ଲୁହ
• ମୁହାଣରେ, ପତରପରି ସୁଅ ମୁହଁରେ
• ମୁଁ ଏବେ ଅଜଣା ଅସୁଣା
• ଆଉ ଦୁଇ ଦିନର କୁଣିଆ,ସଂସାର ହାଟରେ ।।