ହିସାବ କଷୁ କଷୁ

ତୁମେ ଯେଉଁଠିକୁ ଯାଅ

ଯାହା ପାଖକୁ ବି ଯାଅ

ଗର୍ବରେ କୁହ ଇଏ ହେଉଛି

ମୋର ଏକମାତ୍ର ପ୍ରେମିକା

ଏବେ ସ୍ତ୍ରୀ ବି ହେଇଗଲା

ଆଉ ମୁଁ ଟିକେ ହସିଦିଏ ।

କିନ୍ତୁ କେବେ ଚିନ୍ତା କରିଛ

ମୋର ଇଛା କି ଆବଶ୍ୟକତା

ସ୍ବାସ୍ଥ୍ୟବସ୍ଥା କି ପସନ୍ଦନାପସନ୍ଦ

ନା ତୁମେ ଏ ଯାବତ କରିନାହଁ

କି ଆଗକୁ ବି ଧ୍ୟାନ ଦେବ

ସେ କଥାର ଆଶା ବି ରଖିପାରୁନି ।

ତୁମ ବ୍ରହ୍ମ ଦେଲ ମୋ ଗର୍ଭେ

ଦଶମାସ ଦଶଦିନ ଧରିଲି

କାରଣ ବିହି ମୋତେ ହିଁ ଦେଇଛି

ସୄୄୄୄୄୄୄୄୄଷ୍ଟି ସର୍ଜନା କରିବା କ୍ଷମତା

ଆଉ ତୁମେ ସେତେବେଳେ ବି

ମୋର ଧ୍ୟାନ ବିଲକୁଲ୍ ରଖିନଥିଲ ।

ଆଜି ହଠାତ ତୁମର କଣ ହେଲା

ମୋ କଥା ଭାରୀ ଝୁରିହେଉଛ

ମୋ ପାଖରେ ବସୁଛ ଦିନତମାମ

ବାରମ୍ବାର ମୋ ଭଲମନ୍ଦ ବୁଝୁଛ

ପୂର୍ବକଥା ସ୍ମରଣ କରି ଦୁଃଖି ଲାଗୂଛ

ମୋ ଆୟୁଷ ସରିଯିବ ଜାଣି ବୋଧେ !