ଵହି ଓବାଚ
ଵହି ଓବାଚ
1 min
23.9K
ଜୀବନ ଯାକର ସଂଚୟକୁ
ବ୍ୟୟ କରି ପୁଣ୍ୟ ଅର୍ଜନରେ
ମିଳେ ଅବା କେଉଁ ସୁଖ
ଘରେ ବସି ରହି
ପଢି ଖଣ୍ଡେ ପରେ ଖଣ୍ଡେ ବହି
ସୁଖର ମାତ୍ରାକୁ ମାପି କି ଦେଖ l
ବ୍ରହ୍ମଜ୍ଞାନ ଠାରୁ
ଆତ୍ମଜ୍ଞାନ ଯାଏ
ସବୁ ମୁଁ କରେ ଉଦୟ,
ସୁସ୍ଥ ସମାଜ
କରଇ ଗଠନ
ଲିଭାଇଣ ରୋଗ, ଶୋକ, ଭୟ l
ମୋର ଯତ୍ନ ନେଲେ
ନିଜ ପିଲା ପରି
ତୁମ ଦାୟିତ୍ୱ ମୁଁ ନିଏ
ହସ ଖୁସିର
ସଂସାରେ ତୁମ
ଜ୍ଞାନଲୋକ ଭରି ଦିଏ l
ମୋତେ ଭଲ ପାଇ
ମୋ ସାଥିରେ ରହି
ନିଜକୁ ତିଆରି କର,
ଯେତେ ଝଡ଼ ଝଞ୍ଜା
ଆସୁ ପଛେ ଆଉ
ନଥିବ ତୁମର ଡର l
ମୋ ଭିତରେ ଅଛି
ଅମାପ ଖଜଣା, ଯେତେ
ପାର ବ୍ୟବହାର କର,
ମୋ ଠାରୁ ବିଶ୍ୱସ୍ତ
ଆଉ କେହି ମିତ୍ର
ନ ଥିବେ ସଂସାରେ ତୁମର l