ହେବି ମୁଁ କାହାର
ହେବି ମୁଁ କାହାର
1 min
213
ଜୀବନର ଏଇ ଦୋଛକି ପଥରେ
ଦଣ୍ଡାୟମାନ ମୁଁ ଏକା,
କେଉଁ ପଥକୁ ମୁଁ କରିବି ନିଜର
ପାଲଟି ଯାଏ ମୁଁ ବୋକା ।
ଏକ ପଥେ ମୋର ବାପା ମାଆ ପୁଣି
ସଖା ସହୋଦର ଯେତେ,
ଆନ ପଥେ ମୋର ଶାଶୁ ଓ ଶ୍ବଶୁର
ଜୀବନର ସାଥି ସତେ ।
ଜଣେ ରକତର ଜଣେ ହୃଦୟର
କାହାକୁ ନ ପାରେ ଛାଡି,
ଦୁଇ ନାବେ ମୁହିଁ ଗୋଡ ଦେଇଅଛି
କିଏ ନେବ ମତେ ଭିଡି ।
ମାତା ପିତା ବିନା ବଞ୍ଚି ହୁଏ ନାହିଁ
ଲାଗଇ ବହୁତ କଷ୍ଟ,,
ସ୍ବାମୀ ଯେ ଅଟନ୍ତି ଦେବତା ମୋହର
ତା ବିନା ଜୀବନ ନଷ୍ଟ ।
ଦୋଛକି ପଥରେ ଘୁରି ବୁଲୁଥାଏ
ସଭିଙ୍କୁ କରି ନିଜର ,
ବିଭୁ ପାଦତଳେ ଲୟ ରଖି ପୁଣି
ସଭିଙ୍କୁ କରେ ଆଦର ।