ହେ ନୀଳମାଧବ

କେମିତି ଜାଣିବି କେତେ ରୂପ ତୋର

ଅରୁପରେ କେଉଁ ଭାବ

ମନେମନେ ଖାଲି ରୂପକୁ ଭାବୁଛି

କେଉଁ ରୂପେ ସମୁଦ୍ଭବ

ତୋ ମନ୍ଦିରେ ତୋତେ କହୁଛି ମୁଁ ପ୍ରଭୁ

ହେ ନୀଳମାଧବ ହେ ନୀଳମାଧବ

ଦ୍ଵାପରରେ ଯେବେ କଲ ତନୁ ତ୍ୟାଗ

ସରି ଗଲା ଦେହ ପର୍ବ,

ସରିଗଲା ରୂପ ଦେଖିବାକୁ ତୁମ

ଆମେ ଯାହା ହତଭାଗ୍ୟ

କୃଷ୍ଣ ଗୋପୀନାଥ ହେ ନୀଳମାଧବ

ହେ ନୀଳମାଧବ ହେ ନୀଳମାଧବ

ନୀଳାଚଳେ ରହି ହେଲ ଜଗନ୍ନାଥ

ଜାଣି ଶୁଣି ଦେଲ ଠାବ

ଭକତର ବନ୍ଧୁ ଭକତ ବାନ୍ଧବ

ଘେନା କର ଦୀନ ଭାବ

ନୀଳ କନ୍ଦରର ହେ ନୀଳମାଧବ

ହେ ନୀଳମାଧବ ହେ ନୀଳମାଧବ

ନାହିଁ ମୋର ତପ କରୁନି ମୁଁ ଜପ

ମନେ ମନେ ଆସେ କ୍ଷୋଭ

ତୋ ଦୁଆରେ ଡାକି ତୋତେ ମୁଁ ଭାବୁଛି

ଆତ୍ମା କାଳେ ତୋଷ ହେବ

କେଉଁ ରୂପ ତୋର ଅଧମ ଦେଖିବ

ଭବେ କୃପା ରଖ ହେ ନୀଳମାଧବ

ପ୍ରଶାନ୍ତ କୁମାର ହୋତା