ଲାଇବ୍ରେରୀ
ପ୍ରୋଫାଇଲ୍
ହେ ଚକା ଆଖିଆ
ହେ ଚକା ଆଖିଆ
1 min
198
ହେ ଚକାଆଖିଆ
ବଡ କପଟିଆ
କେତେ ଲୀଳା କରୁଥାଅ
କେତେବେଳେ ମାର
କେତେବେଳେ ତାର
ଟିକିଏ ବୁଝେଇ କୁହ ॥୦॥
କାହାକୁ ଉଠାଇ
କୋଳରେ ବସାଇ
ତୁମରି ଅଶିଷ ଦିଅ
କାହାକୁ ହୋ ପୁଣି
ସିଂହାସନୁ ଟାଣି
ବିଦାରି ପରାଣ ନିଅ
ସେହି ଚିତ୍ରପଟ
ହୋଇଲେ ପ୍ରକଟ
ଥରି ଯାଏ ମୋର ଦେହ ॥୧॥
ଯାଚି ଦେଲେ କିଏ
ହାତକୁ ବଢାଇ
ସରାଗେ ଉଠାଇ ନିଅ
ପୁଣି ତୁମେପ୍ରଭୁ
ସୁନାଥାଳି ଧରି
କାହାକୁ ଯାଚିକି ଦିଅ
ସବୁ ଥାଉ ଥାଉ
ଆହେ ମହାବାହୁ
ମାଟି କୁଡୁଆରେ ଖାଅ ॥୨॥
ଅଶାନ୍ତ ସାଗରେ
ଢେଉର ପ୍ରହାରେ
ତିନ୍ତେନି ତୁମରି ଦେହ
ଓଦା ସରସର
ହୋଇ ଯାଅ ତୁମେ
ଗଡିଲେ ଲୁଣିଆ ଲୁହ
ତୁମ ଲୀଳା ପ୍ରଭୁ
ଅଡୁଆ ସୂତା ଗୋ
କିଏ ବା ପାଇବ ଖିଅ ॥୩॥
