ଗୁରୁ ହିଁ ସାକ୍ଷାତ ଈଶ୍ବର

ତୁମେ ବନ୍ଦନୀୟ 

ତୁମେ ପୂଜନୀୟ

ଗୁରୁ ତୁମେ ଗରୀୟାନ

ଅନ୍ଧକାରେ ଶିଖା ଆଲୋକର

ଗୁରୁ ତୁମେ ହିଁ ସାକ୍ଷାତ ଈଶ୍ବର। 

ଗୁରୁ ତୁମେ ବ୍ରହ୍ମା 

ଗୁରୁ ତୁମେ ବିଷ୍ଣୁ 

ଗୁରୁ ତୁମେ ମହେଶ୍ବର 

ତୁମେ ହିଁ ତ ପୂଜ୍ୟ ସଂସାରର

ଗୁରୁ ତୁମେ ହିଁ ସାକ୍ଷାତ ଈଶ୍ବର ।

ଗୁରୁ ତୁମେ ସତ୍ୟ

ଗୁରୁ ତୁମେ ଶିବ

ଗୁରୁ ତୁମେ ହିଁ ସୁନ୍ଦର 

ତୁମେ ହିଁ ତ ଧାର ବିଶ୍ବାସର

ଗୁରୁ ତୁମେ ହିଁ ସାକ୍ଷାତ ଈଶ୍ବର ।

ଗୁରୁ ତୁମେ ଆଶା 

ଗୁରୁ ହିଁ ଭରସା 

ଗୁରୁ ଶିଖାଇଛ ଭାଷା 

ତୁମେ ସମାଧାନ ସମସ୍ଯାର 

ଗୁରୁ ତୁମେ ହିଁ ସାକ୍ଷାତ ଈଶ୍ବର ।

ଗୁରୁ ମୁକ୍ତିପଥ

ଗୁରୁ ଭାଗବତ

ଗୁରୁ ଚରଣରେ ମାଥ

ପଥ ପ୍ରଦର୍ଶକ ଜୀବନର

ଗୁରୁ ତୁମେ ହିଁ ସାକ୍ଷାତ ଈଶ୍ବର ।

ଗୁରୁ ପ୍ରତିଷ୍ଠାତା 

ଗୁରୁ ପ୍ରାଣଦାତା

ଗୁରୁ ତୁମେ ବିଦ୍ୟାଦାତା 

ତୁମେ ହିଁ ଶିଖାଅ ସଦାଚାର 

ଗୁରୁ ତୁମେ ହିଁ ସାକ୍ଷାତ ଈଶ୍ବର ।

ଗୁରୁ ତୁମେ କର୍ମ

ଗୁରୁ ତୁମେ ଧର୍ମ

ଗୁରୁ ତୁମେ ପ୍ରଭୁନାମ

ତୁମେ ହିଁ ତ ମର୍ମ ସଂସାରର 

ଗୁରୁ ତୁମେ ହିଁ ସାକ୍ଷାତ ଈଶ୍ବର ।