ଗୁରୁ ହେ ଘେନ କୋଟି ପ୍ରଣାମ
ଗୁରୁ ହେ ଘେନ କୋଟି ପ୍ରଣାମ
ଅନ୍ଧାରରୁ ଉଦ୍ଧାରିଲ ତୁମେ ଶିକ୍ଷାତୁଲ୍ୟ
ଗୁରୁ ବିନା ଶିକ୍ଷାର ଯେ ନାହିଁ କିଛି ମୂଲ୍ୟ
ଗୁରୁ ଦିବସରେ କରୁ ତୁମ ଜୟଗାନ
ଗୁରୁ ହେ ଘେନ କୋଟି ପ୍ରଣାମ ।
ବିଦ୍ୟା ଦେଲ ବୁଦ୍ଧି ଦେଲ ଦେଖାଇଲ ବାଟ
ନ ରଖି ମନରେ ଛନ୍ଦ ନ ରଖି କପଟ
ଆକାଶଠୁ ବଡ଼ ସାଗରୁ ଗଭୀର ମନ
ଗୁରୁ ହେ ଘେନ କୋଟି ପ୍ରଣାମ ।
ତୁମେ ବ୍ରହ୍ମା ବିଷ୍ଣୁ ପୁଣି ତୁମେ ମହେଶ୍ବର
ତୁମେ ହିଁ ଆରମ୍ଭ ଆମ ଛାତ୍ର ଜୀବନର
ରଖିଥାଉ ମଥା ସଦା ଚରଣରେ ତୁମ
ଗୁରୁ ହେ ଘେନ କୋଟି ପ୍ରଣାମ ।
ବେତ ବାଡ଼ି ଛାଟ କିଏ ପାରିବ କି ଭୁଲି ?
ପଥ ପ୍ରଦର୍ଶକ ଆଉ ତ ତୁମର ସେ ଗାଳି
ବାଟ ହୁଡ଼ିନାହୁଁ ଆମେ ରଖିବୁ ମାନ
ଗୁରୁ ହେ ଘେନ କୋଟି ପ୍ରଣାମ ।
ଯେତେ ଦିନ ଯାଏଁ ଥିବ ଏ ବିଶ୍ୱ ଭାରତ
ପୂଜା ପାଉଥିବେ ଗୁରୁ ଚିର ଆଉ ନିତ୍ୟ
ଅକ୍ଷୁର୍ଣ୍ଣ ରହୁ ଜଗତେ ସଦା ତୁମ ନାମ
ଗୁରୁ ହେ ଘେନ କୋଟି ପ୍ରଣାମ ।