ଗ୍ରାମ୍ୟ ପରିବେଶ

ହମ୍ବାରଡି ଆଉ ଶୁଭୁନି ଗାଁଆରେ

ଜମି ପଡିଲାଣି ପଡିଆ

ମାଗଣା ଚାଉଳ ଦେବାରୁ ସର୍କାର

ମିଳୁତ ନାହାଁନ୍ତି ମୂଲିଆ ॥

କ୍ଷୀର ବି ମିଳୁନି ମନ୍ଦିରକୁ ଯାଇ

କରିବାକୁ ଦିଅଁ ଦର୍ଶନ

ସହରକୁ ଯାଇ ଚାଷୀ ଭାଇ ପିଲେ

କଲେ କୋଠା ବାଡି ନିର୍ମାଣ ॥

ଗ୍ରାମ୍ୟ ପରିବେଶ ଗଲାଣି ବଦଳି

ହରାଇ ସଂସ୍କୃତି ସଭ୍ୟତା

ମଦର ପ୍ରାବଲ୍ୟ ରାଜନୀତି ହିଂସା

ଶିକ୍ଷା ସ୍ଵାସ୍ଥ୍ୟ ଅବ୍ୟବସ୍ଥା ॥

ରାଜନୀତି ହିଂସା ବେକାରୀ ସମସ୍ୟା

ଯୁବପିଢି ପଥଭ୍ରଷ୍ଟ

ନୈତିକତାହୀନ ଶିକ୍ଷା ସମାଜକୁ

କରିଲାଣି ନଷ୍ଟ ଭ୍ରଷ୍ଟ ॥

ଆଉକି ଫେରିବ ସେ ପୂର୍ବ ଜମାନା

ସୁସ୍ଥ ଗ୍ରାମ୍ୟ ପରିବେଶ

ଭାଗବତ ଟୁଙ୍ଗି ଗୋରୁଙ୍କ ଗୁହାଳ

ହଳ ବଳଦରେ ଚାଷ ? ॥