ଗୋଲାପ

ଗୁଲାଫୁଲ୍ ଭାବିକରି ଭଲ୍ ପାଇଥିଲି

କଣ୍ଟାଦେଲୁ ହାତେ ଧରେଇ,

ପଏସାଥିଲା ପିଲାବାଲାକେ ଦେଖି

ତାର୍'ନୁ ହେଇଗଲୁ ସେଣ୍ଟିଙ୍ଗ୍ ।

ମୁଲ୍'କି ହସୀ ମାରିକରି ତୋର୍

ଦେଇଥୁଲୁ ମତେ ଫସେଇ,

ମିଠା,ମିଠା କଥା କହିକରି କେତେ

ଦେଇଥିଲୁ ମତେ ରସେଇ ।

କୁଆ ନାଇଁ ହେଇପାରେ କୁଇଲି

ଭୁଲି ଯାଇଥିଲି ମୁଇଁ,

ସୁନ୍ଦିରୀ ଟୁକେଲ୍ କେନ୍ତା ଭଲ୍ ପାଏବା

ଭୋଲା,ଭାଲା ପିଲାକେ ତାହିଁ ।

କଳାକାହ୍ନୁ ଭାବୁଥିଲି ମନେ ମନେ

ଚେହେରା ଥାଇ ମୋର୍ କଳା,

ସୋର୍ ନାଇଁଥିଲା ଇଟା କଳିଯୁଗ୍ ଆଏ

ସବୁ ହେଇଗଲା ଝମେଲା ।

କଳା ଭମର୍'ଲେଖେ ତୁଇଲୋ ଥିଲୁ

ସବୁଫୁଲେ ଥିଲା ତୋର୍ ମନ୍,

ତତେ କେତେ ଭଲ୍ ପାଉଥିଲି ମୁଇଁ

ବରବାଦ୍ କରିଦେଲୁ ଜୀବନ୍ ।

ତୁଇଁ ଭି ଦିନେ ପସ୍'ତେଇ ହେବୁ ପ୍ରିୟା

ନିଜର୍ ଭୁଲ୍ ଯେଭେ ଜାନ'ବୁ,

ମୋର୍ ଠାନ୍'କେ ନର୍'ଦି କୁଦିକରି

କାନ୍ଦି,କାନ୍ଦି ଆଏବୁ ।

ହେତେବେଲେ ତତେ ଦେଖିଦେମି

ତୋର୍ ଠାନୁ ବଦଲା ନେମି,

ତୋର୍ ଗାଁ'କେ ମୋର୍ କନିଆଁକେ

ଗାଡିଥି ବସି ବୁଲେଇ ଆନ୍'ମି ।