ଗୋଧନ ସୁରକ୍ଷା

କାମଧେନୁ ପରି ସକଳ କାମନା

ପୂରଣ କରେ ସେ ମାତା

ତେତିଶ କୋଟିର ଦେବତାଙ୍କ ବାସ

ଯୋଗୁଁ ବୋଲାଏ ଗୋମାତା ।

ପୂଜାବ୍ରତ ଆଦି ଶୁଭ ଅବସରେ

ଗୋବରକୁ ପଡେ ଖୋଜା

ଗାଈ ଘିଅ ବିନା ଯଜ୍ଞ ବିବାହାଦି

ଅସମ୍ପୂର୍ଣ୍ଣ ସବୁ ପୂଜା ।

ଗୋମୟ ଜଳରେ ବିଶୋଧନ ହୁଏ

ଗାଈ ଦୁଧ ଦିଏ ବଳ

ମାଆ ପରି ସିଏ ପାଳିଥାଏ ପରା

କରିଣ ସୁସ୍ଥ ସବଳ ।

ଗୋବରକୁ ନେଇ ଖତ କରି ଚାଷୀ

କ୍ଷେତକୁ ଉଠିଆ କରେ

ଗରିବ ଲୋକର ଜାଳେଣୀ ତ ଘଷି

ନ ଥିଲେ ସେ ଭୋକେ ମରେ ।

କ୍ଷୀରରୁ ଲହୁଣୀ, ଦହି,ଛେନା,ଘିଅ

ତିଆରି କରୁଛୁ ନିତି

ନାନାଜାତି ମିଠା ଛେନାପୋଡ ଖାଇ

ଆତ୍ମା ହୋଇଥାଏ ତୃପ୍ତି ।

ଜୀବନ ସାରା ସେ ଦେଇଦେଇ ସବୁ

ମଲା ପରେ ପୁଣି ଦିଏ

ଶିଙ୍ଗରୁ ପାନିଆ ଚମଡାରୁ ଜୋତା

ହାଡରୁ ପିଡିଆ ହୁଏ ।

ଏତେ ସେବା ପାଇ ହେଉ ଅକୃତଜ୍ଞ

କଂସେଇ ହାତରେ ଟେକି

ପଶୁଠାରୁ ହୀନ ନରାଧମ ଆମେ

ହେଉ ପୁଣି ଅବିବେକୀ ।

ଗୋମାତାର ବିନା ଅନାଥ ହୋଇବା

ହେବା ପୁଣି ହନ୍ତସନ୍ତ ।

ଗୋଧନ ସୁରକ୍ଷା ଜୀବନର ରକ୍ଷା

ହେଉ ସମସ୍ତଙ୍କ ବ୍ରତ ।