ଗଜାନନ
ଗଜାନନ
ଆହେ ଗଜାନନ ବିଘ୍ନ ବିନାଶନ
କରିବି ପୂଜନ କରେ ନିବେଦନ ।
ତୁମେ କୃପା କଲେ ମିଳେ ବିଦ୍ୟାବୁଦ୍ଧି
ଜୀବନରେ ଆସେ ସକଳ ସିଦ୍ଧି
ଆହେ ଗଜକର୍ଣ୍ଣ ସିନ୍ଦୁର ବଦନ
କରିବି ପୂଜନ କରେ ନିବେଦନ ।
ପାଶ ଅଙ୍କୁଶ ଧରିଛ ଶ୍ରୀ ହସ୍ତରେ
ବସିଅଛ ତୁମେ ମୂଷିକ ଉପରେ
ମୂଷିକ ବାହନ ତୁମେ ଗଜ ବଦନ
କରିବି ପୂଜନ କରେ ନିବେଦନ ।
ତୁମକୁ ଡାକିଲେ ବିଘ୍ନ ଚାଲିଯାଏ
ବିପତ୍ତି ରୁ ଭକ୍ତ ମୁକ୍ତି ପାଇ ଯାଏ
ବିପଦନାଶନ ଆହେ ଜନାଦ୍ଦନ
କରିବି ପୂଜନ କରେ ନିବେଦନ ।
ଭାଦ୍ରବ ମାସରେ ତୁମ ପୂଜା ହୁଏ
ସବୁଠି ତୁମର ରୂପ ଶୋଭା ପାଏ
ଗଉରୀ ନନ୍ଦନ ଭକତ ଜୀବନ
କରିବି ପୂଜନ କରେ ନିବେଦନ ।
ମଙ୍ଗଳ ମୁରତି ଅଛ ସର୍ବ ବ୍ୟାପି
ଭକତ ଡାକୁଛି ନିଜକୁ ସମର୍ପି
କର ଆଗମନ ନାଚେ ତ୍ରିଭୁବନ
କରିବି ପୂଜନ କରେ ନିବେଦନ ।