🙏ଘଟେ ଘଟେ ନାରାୟଣ🙏

ଯେତେ ଜୀବ ଛନ୍ତି ଏହି ଭୂମଣ୍ଡଳେ

ଆତ୍ମା ପ୍ରମାତ୍ମାଟି ତହିଁ।

ଭିନ୍ନ ନାହିଁ କିଛି ଦୁହିଁଙ୍କ ଭିତରେ

ପ୍ରେମ ଭକ୍ତି ମିଳେ ଯହିଁ।୧।

ଅପୁର୍ବ ସଂଯୋଗ ଜୀବ ମଧ୍ୟେ ଦୁଇ

ଭକ୍ତ ହିଁ ଦେଖି ପାରଇ

ନିସ୍ବାର୍ଥ କର୍ମରେ ନିସ୍ବାର୍ଥ ଧର୍ମରେ

ବିଶ୍ବାସ ଜୀବେ ଆସଇ।୨।

ପ୍ରଭୁ ସେବା ଅଟେ ଜୀବନ ଉଦ୍ଦେଶ୍ୟ

ଜୀବ ପ୍ରେମ ଅଟେ ତହିଁ

ମାତ୍ରୁଭୂମି ସେବା ଅମୂଲ୍ୟ ଅଟଇ

ଶକ୍ତିଶାଳୀ ହୁଏ ଭୂମି।୩।

ପବିତ୍ରତା ହୁଏ ଜୀବନ ଆମର

ସୁରକ୍ଷିତ ହୁଏ ଦେଶ

ଅଙ୍କୁରିତ ହୁଏ ଧର୍ମର ଆଲୋକ

ପ୍ରଜ୍ଜଳିତ ହୁଏ ଦେଶ।୪।

ପ୍ରେମ ଭକ୍ତି ବଳେ ଆତ୍ମା ପ୍ରମାତ୍ମାକୁ

ଚିନ୍ହି ପାରେ ଭକ୍ତ ବଳେ

ଅମୁଲ୍ୟ ଜୀବନ କ୍ଷଣିକ ଜୀବନ

ମୁକ୍ତି ପାଏ ପ୍ରଭୁ ବଳେ।୫।

ଯେତେ ଜୀବ ଛନ୍ତି ଏହି ଭୂମଣ୍ଡଳେ

ଆତ୍ମା ପ୍ରମାତ୍ମାଟି ତହିଁ

ଭିନ୍ନ ନାହିଁ କିଛି ଦୁହିଁଙ୍କ ଭିତରେ

ପ୍ରେମ ଭକ୍ତି ମିଳେ ଯହିଁ।୬।