ଘେନ ମୋର ଶେଷ ପ୍ରଣାମ

• ଘେନ ଶେଷ ପ୍ରଣାମ

• କବି ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

• ---------- -------------------- ----------

• କେଉଁ ଏକ ଅଜଣା ପୁରରୁ ତୁମରି ମହାର୍ଘ ପରଶ

• ବଳେ, ଉଦ୍ଜିବିତ ଏ ରମ୍ୟ ଚାରୁଚିତ୍ର ଅଦ୍ଭୁତ ପୃଥିବୀ

• ତେବେ ଏଠି କାହିଁ ମୋର ଅସ୍ତିତ୍ବ, କିବା ଅଛି ମୋ ନିଜସ୍ବ ।

• କି ଯଶ ଲଭିବି କୁହ ପ୍ରଭୁ ତୁମଦାନ ତୁମକୁ ଅରପି ।।

•

• ଏବେ ମୁଁ ବଦଳି ଯାଇଛି ପାଲଟିଯାଇଛି ସ୍ବାର୍ଥପର

• ବାନ୍ଧି ହୋଇ ମୋହ,ମାୟା, କାମନା,ବାସନା ଜାଲରେ

ସ୍ବାର୍ଥାନ୍ଧେ ମୁଁ ତୁମକୁ ଖୋଜିଲି ଘର,ବନ,ପର୍ବତ କାନ୍ତାର ।

• ନପାଇ ଭାବେ, ସତେ ଲୁଚି ରହିଛ ଭକ୍ତ ହୃଦୟ କନ୍ଦରେ ।।

•

• ତୁମ ଅଛୁଆଁ ପରଶ ଏବେ ମୋ ମନରେ ତୋଳେ ଶିହରଣ

• ଦେଖାଦିଅ ଆସ ବସ ମୋର ମୁକୁଳା ହୃଦୟ ମନ୍ଦିରେ

• ତୁମ ମଧୂର ବଇଁଶୀ ର ସ୍ବନ କରୁଛି ଏ ମନ ହରଣ ।

ଅପସରୁ ମାୟା, ଯେପରି ରାତି ହଜେ ଅରୁଣ କିରଣେ ।।

•

• ମନ ଗୋଟେ ଅମାନିଆ ବଣୁଆ ଚଢ଼େଇ କଥାମାନେ ନାହିଁ

• ଶରୀର ତ ମାଟି ପିଣ୍ଡ ବନ୍ଧା ସିଏ କାଳର କବଳେ

• ତୁମେ ମୋର ପ୍ରାଣ ଓ ଜୀବନ ଦୟାମୟ ଆହେ ବିଶ୍ବସାଇଁ ।

• ନାହିଁ ଆଉ ପରିତ୍ରାଣ, ଦିଅ ହେ ଶରଣ ତବ ଶ୍ରୀପୟରେ ।।