ଗେଣ୍ତା ରହସ୍ୟ ‐୩
ଗେଣ୍ତା ରହସ୍ୟ ‐୩
ଗେଣ୍ଡାଙ୍କ ରହସ୍ଯ -୩
ଆରମ୍ଭ କଲ କୁଢକୁଢ ଯୋଜନା
ଲାଭର ହିସାବ ନାହିଁ
ଲାଭ ନେବା ପାଇଁ ଗୁମର ଖୋଲିଲ
ସେ କଥା କେ ଜାଣିନାହିଁ ॥
ସଭିଏଁ ଜାଣନ୍ତି ଗେଣ୍ଡାବଳ କେତେ
ଏଣୁ ତୁନି ହୋଇଯାନ୍ତି
ଯେତିକି କାମକୁ ତା ଅଧା ପଇସା
ଲାଞ୍ଚ ଖାଇ ଲୁଚିଯାନ୍ତି ॥
ମାଆକୁ ସମ୍ମାନ ଗାଆଁକୁ ସମ୍ମାନ
କହି ବୂଲୂଅଛ ଯେତେ
ପରୋକ୍ଷରେ ତୁମେ ନିର୍ଯ୍ୟାତନା ଦେଇ
କଥା ଢାଙ୍କିଦିଅ ସେତେ ॥
ମହିଳା ମାନଙ୍କ ଦୁଃଖ ବୁଝିବାକୁ
ଏତେ ଯଦି ହେ ଦରଦ
ଉଚିତ ନ୍ୟାୟ ନିଷ୍ପତ୍ତି ନେଇ ତୁମେ
କର ଯୋଜନା କୁ ବନ୍ଦ ॥
ରାଜସ୍ବ ଆଦାୟ ହେଉନାହିଁ ବୋଲି
ମାରିବ କି ଜନତାଙ୍କୁ
ମାଆ ଭଉଣୀଙ୍କ ଈଜ୍ଜତ ଲୁଣ୍ଠିବା
ଶରଧା କିହୋ ତୁମକୁ ॥
ମଦପିଇ ଗାଡି ଯିଏ ଚଲାଇବ
ଫାଇନ ମାଗିବ ତାଙ୍କୁ
ମଦ ବିଷ ଯିଏ ଅଧିକ ବିକିବ
ପୁରସ୍କାର ଦେବ ତାଙ୍କୁ ॥
ସାମାଜିକ କାର୍ଯ୍ୟ ଯେତେସବୁ ହେବ
ଆଜ୍ଞା ଦେଲ ମଦ ପାଇଁ
ନିର୍ଭୟ କଢି ବିଜୁ କନ୍ୟା ରତ୍ନ କୁ
ପ୍ରଚାର କର କି ପାଇଁ ॥
ବଡିମା ତୁମର ଜଗତ ଜାଣିଲାଣି
ଶାସକ ନଂ ପ୍ରଥମ
ଆଉ ଶହେ ବର୍ଷ ଜିତି ବଂଚ ହେଲେ
ନ ବଢାଅ ହେ ଦୁଷ୍କର୍ମ ॥
ଦୟାକରି ଥରେ ହେ ମୋ ଗେଣ୍ତାଦଳ
ଯୋଜନାକୁ ବନ୍ଦ କର
ଭଲ ପାଅ ଯଦି ମାଆ ଭଉଣୀଙ୍କୁ
ଓଡିଶାକୁ ରକ୍ଷା କର ॥