ଗେଣ୍ତା ରହସ୍ୟ‐୧

ଓଡିଶାରେ ଆମ ଗେଣ୍ଡା ମାଳମାଳ

ଯୋଜନା ବି ମାଳ ମାଳ

ଦିନକୁ ଦିନ ମୁଣ୍ତ ବେଶୀ ଗଡୁଛି

ଶୂନ ଅଟେ ଫଳାଫଳ ॥

ଗେଣ୍ତାଙ୍କ ରହସ୍ୟ ବୁଝି ହୁଏନାହିଁ

ସମସ୍ତେ ଆଜି ଦ୍ବନ୍ଦ୍ବରେ

ମଦବନ୍ୟା କରି ଆମ ରାଇଜକୁ

ବିକିବେକି ବଜାରରେ ।

ଗୋଟିଏ ବୁଦ୍ଧି ମଦ ପାଇଁ ଅଫର

ମଦୁଆଙ୍କ ଉନ୍ମୋଚନ

ଆରେକ ବୁଦ୍ଧିରେ କିଣିଛନ୍ତି ଆଜି

ନାରୀ ସଶକ୍ତିକରଣ ॥

ଯୁଗେ ଯୁଗେ ନାରୀ ଲଢିଆସିଅଛି

ପଢିନାହଁ କି ପୁରାଣ

ଆଜିର ନାରୀ ବି ବିନାଶ କରିବ

ଛାଡିଯିବ ଯେ ଜୀବନ ॥

ଯୁଦ୍ଧ ପାଇଁ ଯେବେ ହେଲଣି ପ୍ରସ୍ତୁତ

ମାଡି ଆସ ଗେଣ୍ଡାଦଳ

ନାରୀ ର କ୍ରୋଧରେ ଚୁର୍ଣ୍ଣ ହେବା ପରେ

ଜାଣିବ ଚୁଡିର ବଳ ॥

ମଦ ଅଫର ତୁମ ଚୁଲିକୁ ଯାଉ

ପୁରୁଷ ଜାତି ବଞ୍ଚିବ

ସିନ୍ଦୂର ,ଚୁଡି ଓ ମଙ୍ଗଳସୂତ୍ରର

ମାନ ଏ ନାରୀ ରଖିବ ॥