ଗାନ୍ଧି ତୁମେ ଫେରିଆସ

ନାହିଁ ଆଜି ବାପୁ ସେ ରାମ ରାଇଜ

     ଅହିଂସା ପରମଧର୍ମ

ଅର୍ଥ ବଳେ ଆଜି ମଣିଷ ଗୁଡାକ

      କରୁଛନ୍ତି କୁକର୍ମ

ଭାଙ୍ଗି ରୁଜି ଆଜି  ହୋଇଛି ପାଉଁଷ

     ରାମ ରାଇଜର ସ୍ବପ୍ନ

କୁଟନୀତିରେ ଯେ ମୋହଗ୍ରସ୍ତ ହୋଇ

     ପଡିଅଛି ସିଂହାସନ

ଅହିଂସାର ବାଡି ନାହିଁ ଗାନ୍ଧି ତୁମ

    ହିଂସା ବଢେ ଚାରିଆଡେ

କୁଟନୀତିର ସେ ଚକ୍ରବ୍ଯୁହରେ ଯେ

     ନୀରିହ ପ୍ରଜାଟି ସଢେ

ଗାଦି ଲୋଭେ ଆଜି ହିଂସା କାଣ୍ଡ କରି

    ରାତାରାତି ମୁଣ୍ତ ଗଡ଼େ

ନ୍ଯାୟ ପାଇଁ ପ୍ରଜା ହନ୍ତସନ୍ତ ଏଠି

     ଅଧର୍ମ ମାର୍ଗଟି ବଢେ

ଆସ ଗାନ୍ଧି ତୁମେ ପୁଣି ଯେ ଲେଉଟି

     ଅହିଂସାର ବାଡି ଧରି

ନିଜ ହାତେ ନିଅ ରାମ ରାଇଜର

    ତୁମେ ଯେ ଶାସନ ଡୋରି