ଏକତାର ବନ୍ଧନ

         

  ଗୋଟିଏ ସୂତାରେ ସଭିଏଁ ବନ୍ଧା

     ଗୋଟେ ପରିବାର ପରା

  ରାଗ ହିଂସା ଇର୍ଷା ମନରୁ ପାଶୋରି

     ନୀତିଦିନ ହସୁଥିବା ।

    ପ୍ରେମର ବନ୍ଧନ ପ୍ରେମର ଦୁନିଆ

      ସଭିଙ୍କ ସାଥିରେ ରହିବା

    ସଭିଙ୍କ ଦୁଃଖରେ ଦୁଃଖୀ ହୋଇ ଆମେ

       ସମାଧାନର ବାଟ କାଢ଼ିବା ।

   ଜାତିଧର୍ମ ଭୁଲି ଭାଇଚାରା ଭାବ

     ସଭିଙ୍କ ଓଠରେ ହସ ଦେବା

   ମାନ ଅଭିମାନ କାହା ସାଥେ ରଖିବା

     ସଭିଙ୍କ ସାଥିରେ ଖୁସି ହେବା ।

   ଅଢେଇ ଦିନର ଏ ମଣିଷ ଜୀବନ

     ଏହି ଅଛି ଏହି ନାହିଁ

   ଦୀପ ଶିଖା ପରି ନିଜେ ଜଳି ଜଳି

      ଅନ୍ୟକୁ ଆଲୋକ ଦେବା ।