ଏକଲବ୍ୟର ପ୍ରାର୍ଥନା

ଏକଲବ୍ୟର ପ୍ରାର୍ଥନା

ଶଶାଙ୍କ ଶେଖର ରାୟ

ତୁମେ ଦିଅ କି ନ ଦିଅ

ଆଶିଷର ଜଳ ଟୋପେ

ମୋ ଶୁଖିଲା ମରୁରେ

ମୁଁ କିନ୍ତୁ ଅଭିମାନ କରିବିନି କେବେ

ଭକ୍ତିଭରା ଛଳଛଳ ଆଖି

ପଖାଳୁଥାଉ ନିତି ତୁମ ଶ୍ରୀପୟରେ ।

ମାଟିର ପ୍ରତିମା ରଖି ମୋ ରଙ୍ଗଶାଳେ

ସାଧନା ନିଷ୍ଠା ଏକାଗ୍ରତା ଚିତ୍ତେ

ଲକ୍ଷ୍ୟଭେଦ କରୁଥାଏ ତୁମ ସାମ୍ନାରେ

ଶୟନେ ସପନେ ଜାଗରଣେ

ତୁମ ଅଦୃଶ୍ୟ ଇଙ୍ଗିତେ

ମହାଯୋଦ୍ଧାଟିଏ ହେବାକୁ ପ୍ରୟାସ କରେ ।

ବୃଦ୍ଧାଙ୍ଗୁଳି ବଦଳେ ଜୀବନ

ମାଗିଲନି କାହିଁ ଗୁରୁ ଦକ୍ଷିଣା

ଦେଇଥାନ୍ତି ସମର୍ପି ମୁଁ ନିଃସଙ୍କେଚରେ

ଅତୁଟ ନିବିଡ ବନ୍ଧନ ଆମ ସଂପର୍କ

ଯୁଗ ଯୁଗର ଜନ୍ମଜନ୍ମାନ୍ତର

ରହିଥାଉ ଇତିହାସର ସ୍ଵର୍ଣ୍ଣିମ ଫର୍ଦ୍ଦରେ ।

ମୋ- 7377197999