ଏଇ ମୋ ଗାଁ

ଆଜି ବି ମନେପଡେ

ଚାଳଛପର ତିଆରି ଘର

ନଥାଏ ଏଠି ଚୋରର ଡର l

ଘସିଜାଳି ମାଁ ବନାନ୍ତି ଖାନା

କାହା ମନ କରନ୍ତିନି ଉଣା l

ଆଜି ବି ମନେପଡେ

ପଖାଳ ଭାତ ଓ ସାଗ ଭଜା

ମାଣ୍ଡିଆ ଜାଉ ଖାଆନ୍ତି ଅଜା l

ପୂନେଇ ପର୍ବେ ନାନା ପ୍ରକାରେ

ପିଠା ବନାନ୍ତି ଅତି ସୁନ୍ଦରେ l

ମାଣବସା ଗୁରୁବାରେ ପୁଣି

ରଜ ପର୍ବେ ଆନନ୍ଦେ କରନ୍ତି l

ଆଜି ବି ମନେପଡେ

ପୋଡପିଠା ଠୁ ଚାଉଳ ଖିରି

ପରମ୍ପରାକୁ ରଖିଛେ ଜାରି l

କୋଇଲିର କୁହୁ କୁହୁ ଗୀତ

ମନେପଡେ ମୋ ଗାଁର ଅତିତ l

ଆଜି ବି ମନେପଡେ

ସଂନ୍ଧ୍ୟା ବେଳର ଗୋଧୂଳି ବାସ୍ନା

ମାଟି ତିଆରି କଣ୍ଡେଇ ଖେଳନା l

ବର୍ଷାଦିନେ ଭିଜା ମାଟି ବାସ୍ନା

କାଗଜରେ ତିଆରି ଡଙ୍ଗା l

ଆଜି ବି ମନେପଡେ

ନୂଆ ବୋହୂର ହାତେ ଓଢଣା

ଆମ୍ବ ତୋଟାରେ ଦୋଳି ଝୁଲଣା l

ସବୁଜ ଭରା ଶସ୍ୟ ଫସଲ

ଗାଁ ର ପବନ ଲାଗଇ ଭଲ l

ଢେଙ୍କିରେ ଧାନ ମାଣ୍ଡିଆ କୁଟା

ଶେଳ ରୁଭୁଣାରେ ବେଶର ବଟା l

ରହିଛି ରହିବ ରହିଥିବ

ଗାଁ ସଂସ୍କୁତି ଗର୍ଭ ଗୋରବ l

ଏଇ ମୋର ଗାଁ ଭାରିସୁନ୍ଦର

ନଥାଏ ଏଠି ଆପଣାପର l

ସଭିଁଏ ଏଠି ଏକ ପରିବାର

ଜଣଙ୍କ ଦୁଃଖରେ ଗାଁ ଏକାକାର l

ମିଳିଥାଉ ଏଗାଁକୁ ସୁଖସମ୍ମାନ

ବଢିଯାଉ ମୋ ଜ୍ଞାନ ସ୍ବାଭିମାନ l

ଭୁଲିନଯିବ ଆଗାମିପିଡି

ପରମ୍ପରାକୁ ଧରିବ ଯାବୁଡି l