ଏଇ ଆମ ମାମୁଁ ଘର
ଏଇ ଆମ ମାମୁଁ ଘର
ପିତା ଜଗନ୍ନାଥ ମାତା ମହାଲକ୍ଷ୍ମୀ
ଜହ୍ନ ରାଇଜ ରେ ମାମୁଁ ଘର
ଆଜି ପିତା ମାତା ନନ୍ଦିଘୋଷେ ଚଢି
ଯାଇଛନ୍ତି ମାମୁଁ ଙ୍କ ପାଶରl
ତିନିଶହ ଚୌରାସୀ ହଜାର ଚାରିଶ
କିଲୋମିଟର ରେ ମାମୁଁ ଘର
ମାଆ ମୋ ରହନ୍ତି ଭାରତ ଦେଶରେ
ଆମ ଏହି ପୁରୁଷୋତ୍ତମର l
ଯିବା ପାଇଁ ଯାନ ବାହାନ ନଥିଲା
କାଖରେ କାଖେଇ ମାଆ ମୋର
କହନ୍ତି ଦେଖରେ ସୁନା ଧନ ମୋର
ଇଏ ଅଟେ ତୋର ମାମୁଁ ଘର l
ଭାରତ ଦେଶତ ସବୁଠୁ ମହାନ
ପୃଥିବୀରେ ଅଟେ ଅଗ୍ରଗଣ୍ୟ
ଜୋତିଷ ଶାସ୍ତ୍ର ର ଗଣନା ଏଠାରେ
ନ ହୁଅଇ ଭୁଲ କଦାଚନ l
ଜୋତିଷ ବିଜ୍ଞାନ ଏକତ୍ର ହୋଇଣ
ବାହାର କରିଲେ ଏକ ଯାନ
ଦିହଜାର ତେଇସି ଅଗଷ୍ଟ ତେଇସି
ଯାନ ମାମୁଁ ଘରେ ଅବତରଣ l
ସନ୍ଧ୍ୟା ଛଅ ଘଣ୍ଟା ଚାରି ମିନିଟ ରେ
ମାମୁଁ ଘରେ ଦେଲା ପହଂଚାଇ
ଦକ୍ଷିଣ ଦିଗରେ ଦିଗବିଜୟ ବାନା
ସହଜରେ ଦେଲା ତ ଉଡାଇ l
ଚନ୍ଦ୍ରାୟଣ ଦୁଇ ସ୍ୱାଗତ କରିଲା
ଚଦ୍ରାୟଣ ତିନି ପ୍ରଜ୍ଞାନକୁ
ମହାଜ୍ଞାନ ଆଉ ବିଜ୍ଞାନ ବଳରେ
ପ୍ରଜ୍ଞାନ ଚାଲଇ ଖୋଜିବାକୁ l
ମାମୁଁ ଘର ପାଣି ପବନ କିପରି
ପାହାଡ଼ ପର୍ବତ କେତେ ଅଛି
ରହିବା କିପରି ଖାଇବା କଅଣ
କେଉଁ ମାନେ ଏଠି ରହୁଛନ୍ତି l
ରୁଷ ଚାଇନା ଆମେରିକା ଦେଶ
ପଛକୁ ପକାଇ ଏ ଭାରତ
ଶାନ୍ତି ମୈତ୍ରୀ ପ୍ରୀତି ପତାକା ପୋତିଲା
ସଭିଙ୍କୁ କରିଦେଲାଚକିତ l
ଜଗତ ଇଶ୍ୱର ବାବା ମାଆ ଯାର
ତାଠୁ ବୁଦ୍ଧିମାନ କିଏ ହେବ
ଜହ୍ନ ମାମୁଁ ପାଖେ ଆଗରେ ପହଞ୍ଚି
ବିଜୟ କେତନ ଉଡାଇବ l
ଲକ୍ଷ୍ମୀ ନାରାୟଣ ଚାହିଁଲେ ତ ଦିନେ
ମlତୁଳାଳୟ ରେ ଆମେ ଯିବୁ
ସେହି ଠାରେ ରହି ସୂର୍ଯ୍ୟନାରାୟଣ
ପାଖକୁ ତ ଦିନେ ପଳାଇବୁ l