ଦୟିନୀ

ମାଟି ମା କୁ ମାଗିଲି ଟିକିଏ ହସ

ସେ ଦେଲା ଅଜାଡି ମେଞ୍ଚାଏ ବିଷ ।

ଆକାଶକୁ ମାଗିଲି ଟୋପିଏ ପାଣି

ସେ ଦେଲା ଲୁଣିଆ ନଈ ଟେ ଆଣି ।

ଇନ୍ଦ୍ରଧନୁ କୁ କହିଲି ଦେ ଟିକେ ରଙ୍ଗ

ସେ ଦେଲା ଆଣି କଳା ମେଘ ।

ତାରା କୁ ଡାକିଲି ଆ ହେବୁ ସାଙ୍ଗ

ସେ ଫୋପାଡ଼ିଲା ଯେତେକ ରାଗ ।

ଜହ୍ନ କୁ ମାଗିଲି ଶୀତଳ ଅଲୁଅ

ଗ୍ରହଣରେ ଲୁଚାଇ ଦେଲା ତା ମୁହଁ ।

ସୂର୍ଯ୍ୟ କୁ କହିଲି ଖରା ଟିକେ ଦିଅ

ତାତି ଡ଼ହକରେ ପୋଡିଲା ଦେହ ।

ହିମାଳୟ କୁ କହିଲି ଧୈର୍ଯ୍ୟ ଦିଅ

ମୋତେ ଦେଖି ସିଏ ମୋଡିଲା ମୁହଁ ।

ବନ ଦେବୀ ଆଲୋ ମାଗେ ତୋ ପୁଅ

ସବୁଜିମା ଟିକେ ମୋ ପାଇଁ ଦିଅ ।

କେହି ଶୁଣିଲେଣି ମୋ ଦୟିନୀ

ଦୁଃଖ ଭରା ମୋ ଜୀବନ କାହାଣୀ ।