ଦୁଷ୍କର୍ମ

କାମନାର ସ୍ଫୁଲିଙ୍ଗ ଯେବେ

ହୃଦୟକୁ କରେ କମ୍ପମାନ

କାମ ବାସନାରେ ଜର୍ଜରିତ କାମାନ୍ଧ

ଜଳେ ହୁତୁ ହୁତୁ ହୋଇ ହୁତାଶନ ॥

କାମନାର ବାଡବାଗ୍ନି ହୋଇ ଉତ୍‌କ୍ଷେପଣ

ଉତ୍ତମାଙ୍ଗକୁ କରାଇ ଉତ୍ତପ୍ତ

ନାଶକରେ ହିତାହିତ ଜ୍ଞାନ ॥

ତଡିତ୍ ବେଗରେ ଖେଳାଇ ଶିହରଣ

ଆଣେ ଶରୀରେ ପ୍ରବଳ ପ୍ରକମ୍ପନ

ସମ୍ଭୋଗ ଲାଳସାରେ ହୋଇ ମୂହ୍ୟମାନ

ହରାଇ ବସେ କାମାନ୍ଧ ବୟସର

ତାରତମ୍ୟ ଜ୍ଞାନ ॥

ହେଉ ସେ ତରୁଣୀ,ବୃଦ୍ଧା,ବାଳିକା

ଅବା ଅପ୍ରାପ୍ତ ବୟସ୍କା,

କାମ ବାଣେ ଜର୍ଜରିତ କାମାନ୍ଧ

ମେଣ୍ଟାଏ ତା ସମ୍ଭୋଗ ଲାଳସା ॥

ମିଳୁ ପଛେ ତାକୁ ଜେଲ୍ ଜୋରିମାନା

ଅବା ମୃତ୍ୟୁଦଣ୍ଡ - ଫାଶୀ

ସମ୍ଭୋଗ ଲାଳସାକୁ ନପାରି ସେ ତେଜି

କରିଥାଏ ଚରିତାର୍ଥ ଯଥା ମଧୁମକ୍ଷିକା

କରେ ମଧୁ ପାନ ହୋଇ ଅତି ଖୁସି ॥

କିନ୍ତୁ ହାୟ! ନାରୀଙ୍କର ଅଙ୍ଗ ଅନାବୃତ

ବେଶ ପରିପାଟୀ,

ଟିଭି ଚଳ ଚିତ୍ରେ ଦୃଶ୍ୟମାନ ଅର୍ଦ୍ଧ ନଗ୍ନ ଛବି

କରେ ମତୁଆଲା ,କାମାତୁରା,ମଦପ୍ରମତ୍ତ,

ପଥଭ୍ରଷ୍ଟ ଦେଶେ ଯୁବଗୋଷ୍ଠୀ ॥

ମାତ୍ର ସେଥିପ୍ରତି ନାହିଁ କାର ନିଘା

ଅବା ଅନ୍ତଃ ଦୃଷ୍ଟି ॥

ସତେ କି ଆସିବ ସୁଦିନ

ଧର୍ଷଣକାରୀର ହୃଦେ ଉଦୟ ହେବ

ନୈତିକତା ଜ୍ଞାନ ?

ମୃତ୍ୟୁଦଣ୍ଡ ଭୟେ ଆଉ ଘଟିବନି

ବାରମ୍ବାର ଧର୍ଷଣ ଅବା

ନାରୀ ନିର୍ଯାତନା ଅଘଟଣ ॥

{ତା୨୬-୦୪-୨୦୧୮}