ଦୁର୍ଘଟଣା

ଦୁର୍ଘଟଣା କେବେ କହିକି ଘଟେନି

ଯାହା ହେବାର ଥାଏ ହୁଏ

ଭାଗ୍ୟର ମଧ୍ୟ ଦୋଷ ନାହିଁ ଏଠି 

ବିଧିର ବିଧାନ ଅଟଇ ଇଏ ॥

କାହାର ସଂସାର ଉଜୁଡ଼ି ଯାଏ 

କାହାର ଜୀବନ ଯାଏ 

କେବେ ସମ୍ପତ୍ତି ନଷ୍ଟ ହୋଇଯାଏ 

କେବେ ପ୍ରାଣ ବଞ୍ଚି ରହେ ॥

କିଏ ଆତ୍ମ ପରିଜନଙ୍କୁ ହଜାଏ 

କିଏ ସ୍ମୃତିଶକ୍ତି ହରାଏ 

କିଏ କୋମାରେ ପୀଡିତ ହୁଏ 

କିଏ ଅଧ ଖଣ୍ଡିଆ ହୁଏ ॥

ଏମିତି କିଛି ଲୋମହର୍ଷଣକାରୀ 

ଦୃଶ୍ୟ ଦେଖିବାକୁ ମିଳେ 

ଯେବେ ଦୁର୍ଘଟଣା ଟିଏ ଘଟେ 

ଜୀବନ କାନ୍ଦେ ବିକଳେ ॥

ମୃତ୍ୟୁ ସମ୍ମୁଖରେ ଦେଖା ଯାଏ 

ମନ ଭୟଭୀତ ହୁଏ 

ସତେ ଯେମିତି ଅସମୟରେ 

କାଳ ପହଞ୍ଚି ଯାଏ ॥