ଦୁଃଖରେ ଜୀବନ କଟିବ

ଯେତେ ବୁଝେଇଲେ ଯେତେ କହିଲେ  

କିଏ ବୁଝିବେ ନାହିଁ

ଯେତେ ଦେଖେଇଲେ ଯେତେ ଶୁଣେଇଲେ

ମନେ ରଖିବେ ନାହିଁ ।

ମତୁଆଲା ହୋଇ ଗାଡି ଚଳେଇବେ

ନିୟମ ମାନିବେ ନାହଁ

କିଛି ଗୋଟିଏ ଅଘଟଣ ହେଲେ

କାନ୍ଦୁଥିବେ କଇଁ କଇଁ ।

ଧର୍ମଘଟ କରି ରାସ୍ତା ରୋକ କରି

ଦିନେ ସଚେତନ ହେବେ

ଦୁଇ ଚାରିଦିନ ଚାଲି ଗଲା ପରେ

ସବୁ କଥା ଭୁଲିଯିବେ ।

ସବୁ ଜାଣି ଯଦି ଅମାନିଅଁ ହେବା

ନୀତି ଦୁର୍ଘଟଣା ହେବ

ସଚେତନ ହୋଉ ଗାଡି ଚଳେଇଲେ

ଦୁର୍ଘଟଣା ରୋକି ହେବ ।

ସଚେତନ ହୋଇ ଗାଡି ଚଲେଇବା

ମଣିଷର ଅଟେ ଧର୍ମ

ଅମଣିସ ଭଳି ଗାଡି ଚଳେଇଲେ

ଡାକିନେବ ନିଶ୍ଚେ ଯମ ।

ସଚେତନ ପାଇଁ ପଦେ ଲେଖିଦେଲି

ଆଶା ପଢି ମନେ ରଖିବ

ପଢ଼ିଦେଇ ଯଦି ପୁଣି ଭୁଲିଯାଅ

ଦୁଃଖରେ ଜୀବନ କାଟିବ ।