ଦୁଃଖ ନିସଙ୍ଗ କୋଠରୀର

ସବୁ ଦିନ ର ହୋ,ହୋ ଶବ୍ଦ ରେ

ଗର୍ଜି ଉଠୁଥିବା ମୁହୂର୍ତ୍ତ ଗୁଡିକ

ଆଜି ଭାରି ଚୁପ୍ ଚାପ୍

ନିସଙ୍ଗ ନିସଙ୍ଗ ।

ଖଟ ସବୁ ଶୁନ୍ୟ କୋଳ ଲମ୍ବେଇ

ଇତଃସ୍ତତଃ ହୋଇ ପଡିଛନ୍ତି

ଏଣେ ତେଣେ କେଇ ଖଣ୍ଡ ବହି

ତଳେ ମୁହଁ ମାଡି ପଡିଛନ୍ତି

ସତେ ଯେପରି ବାରମ୍ବାର ହେଉଥିବା ଝଡର

ଅତ୍ୟାଚାରରେ

ଭଗବାନଙ୍କ ଉପରେ ଅଭିମାନ କରଛନ୍ତି ।

ସମସ୍ତ ଛାତ୍ର, ଛାତ୍ରାବାସ ଛାଡି

ଘର କୁ ଫେରି ଯାଇଛନ୍ତି

ଝଡ ର ପୁର୍ବ ସୂଚନା ପାଇ

ସ୍କୁଲ୍ ,କଲେଜ ସବୁ ବନ୍ଦ

ଫନୀ ର ଆକ୍ରମଣ ର ଶିକାର ହୋଇ ।

ବିପର୍ଯ୍ୟସ୍ତ ନିସଙ୍ଗ କୋଠରୀ ଟି

ଝୁରୁଛି

ତା ପ୍ରିୟ କୋମଳ ଛାତ୍ର,ଛାତ୍ରୀଙ୍କର

ମମତା ଭରା ସ୍ପର୍ଶ

ନିବିଡ ସାନ୍ନିଧ୍ୟ ।