ଦଶହରା

ମରତେ ଆସିଛି ଦଶହରା ପୂଜା 

  ଖୁସିର ମେଲଣ ନେଇ 

ଏ ପୂଜା ପାର୍ବଣେ ସର୍ବେ ମସଗୁଲ 

  ଶାରଦୀୟ ଗୀତ ଗାଇ ।

ଦଶଦିନ ଧରି ଦଶହରା ପର୍ବ 

   ଆନନ୍ଦେ ପାଳିତ ହୁଏ 

ମାଆଙ୍କ ମଣ୍ଡପ ସୁନ୍ଦର ତୋରଣେ 

   ସାଜସଜ୍ଜା ହୋଇଥାଏ । 

ଭକ୍ତି ରସାମୃତ ହୃଦୟରୁ ଝରେ 

   ମାଆଙ୍କ ଦର୍ଶନ ପାଇ

ମାଆଙ୍କ ଆଶିଷେ ଏ ଧରା ହସଇ 

   ଚଉଦିଗ ଚମକାଇ ।

ସହର ଠୁ ବଳି ଗାଆଁ ପରିବେଶ 

  ଅତି ମନୋହର ଦିଶେ 

ସବୁଜ ବିଲରେ ସୁନାର ଫସଲ 

   ଲହଡ଼ା ମାରି କି' ହସେ ।

ଜଗତ ଜନନୀ ମାଁ ସିଂହାସନୀ 

  ପୂଜା ପାନ୍ତି ଧରା ଧାମେ 

ଆତ୍ମୀୟ ସ୍ୱଜନ ସାଙ୍ଗସାଥି ମେଳେ 

   ଦଶହରା ଖଟି ଜମେ ।

ସୁଖ ଶାନ୍ତି ବୀଜ ଏ ଜଗତେ ବୁଣି 

   ଉଭା ହୁଅ ଦଶଭୁଜା 

ସମର୍ପିତ ମନେ ଭକ୍ତିଅର୍ଘ୍ୟ ଢାଳି 

   ନିତି କରେ ତୁମ ପୂଜା ।

ଅବତରି ଆସି ଏ ମର୍ତ୍ତ୍ୟପୁରିକୁ 

   କରୋନାକୁ କର ନାଶ 

ଏ ବିଶ୍ୱ ବିପତ୍ତି ସମ୍ପୂର୍ଣ ହଟେଇ 

    ଜିତ ସଭିଙ୍କ ବିଶ୍ୱାସ ।