ଦ୍ରୌପଦୀ

ଯୁଗେ ଯୁଗେ ଧର୍ମ ଧ୍ବଜା ଉଡାଇଛ

    ହେ କୃଷ୍ଣ କେଶବ ହରି 

କେଉଁ ସ୍ବାର୍ଥ ଲଭେ  କୁରୁସଭା ମଧ୍ଯେ

    ବିବସନା ମୋତେ କରି ll 1

ଧର୍ମ ଯୁଧିଷ୍ଠିର ଧର୍ମ ନରଖିଲେ

    ଅଧର୍ମରେ ଗଲେ ଭାସି 

ପଶାଖେଳେ ମଜ୍ଜି   ଭାତ୍ରୁ,ଦାରା ବାଜି 

    ରାଜ୍ୟ ହରାଇଲେ ହସି ll 2

    

କୁହ ହେ କେଶବ   କେଉଁ ଅପରାଧେ

      ପଞ୍ଚ ପତି ଭୋଗ୍ୟା ମୁହିଁ 

କପଟ ପଶାରେ  ମୋ ଜୀବନ ନର୍କ 

      କରିଲ ହେ କିସ ପାଇଁ ll 3

      

ଗୁରୁ ଦ୍ରୋଣାଚାର୍ଯ୍ୟ    ଭୀଷ୍ମ ପିତାମହ 

      ଧୃତରାଷ୍ଟ୍ର ଯେ ବିଦୁର

ଶକୁନି ସହିତ  ଦୁର୍ଯ୍ୟୋଧନ ଭ୍ରାତ

    ଦେଖି ହୋଇଥିଲେ ସ୍ଥିର ll 4