ଦ୍ଵିତୀୟ ଈଶ୍ୱର
ଦ୍ଵିତୀୟ ଈଶ୍ୱର
ଆକାଶର ଛାତି ପରି ଛାତଟିଏ ,
ସବୁଜ ସମ୍ଭାବନାରକ୍ଷେତରେ
ପ୍ରତିଶ୍ରୁତି ବଦ୍ଧ ପ୍ରତ୍ୟୟ ଟିଏ ,
ସାଗରର ବିଶାଳତା -
ସ୍ନେହ - ମୁକ୍ତା ଭରା ମନଟିଏ ,
ଶ୍ରୀଫଳ ପରି ହୃଦୟ ଟିଏ ,
ଛୁଇଁ ଛୁଇଁ ନ ହେଉଥିବା
ହିମାଳୟ ପରି ଉଚ୍ଚତା ଟିଏ ,
ସବୁ ପାପ ,ସବୁ ଅବସାଦକୁ
ଧୋଇ ନେବାପାଇଁ ସଦା ପ୍ରସ୍ତୁତ
ଗୁପ୍ତଗଙ୍ଗା ଟିଏ ।
ମଙ୍ଗଳ କାମନା କରି
ଅବିରତ ଝରୁଥିବା
ଅନ୍ତଃସଲୀଳା ଫଲ୍ଗୁ ଟିଏ ,
ଜୀବନ ସଂଗ୍ରାମ ର ମହା ମନ୍ଥନ ର
ନିର୍ଯ୍ୟାସୁ ଉତ୍ତଥିତ ଗରଳ ତକ
ନୀଳକଣ୍ଠ ପରି ପାନ କରି
ଅମୃତର ବିନ୍ଦୁ ସଞ୍ଚି ଥାଏ ,
ଆକସ୍ମିକ ଝଡ ବାତ୍ୟା ରୁ
ସୁରକ୍ଷା ଯୋଗାଇ ଦେଉଥିବା
ଉଷୁମ ନରମ ପକ୍ଷୀ ନୀଡ଼ ର ଆଶ୍ରୟ ଟିଏ ।
ଅଭୟ ବରଦାୟୀ
ଆଶ୍ୱାସନା ଭରା ,ଦିଗନ୍ତ ପରି ବିସ୍ତୃତ ହସ୍ତଟିଏ ,
ଯିଏ ସଦା ସର୍ବଦା ପ୍ରତିକୂଳ ପରିସ୍ଥିତି ବିରୋଧରେ
ନିଜେ ଯୁଝି ପାଦତଳୁ
କଣ୍ଟାକୁ ଆଡେଇ ଦେଉଥାଏ ,
ବିପଦ ଆପଦରୁ ଉଦ୍ଧାର କରି
ହାତଧରି ଉଠାଇ ନେଉଥିବା
ସୁଖ ଦୁଃଖର ବନ୍ଧୁଟିଏ ,
"ବାପା", ତୁମ ନାମର ଉଚ୍ଚାରଣ ରେ
ଭୂମିରୁ ଭୁମା ଯାଏ
ଅଦୃଶ୍ୟ ଅନାବିଳ ସମ୍ପର୍କର
ଯୋଗସୂତ୍ର ଟିଏ ଆପେ ଆପେ
ବାନ୍ଧିହେଇଯାଏ ,
ତୁମେ ହିଁ ପ୍ରଥମ ବନ୍ଧୁ ମୋର
ମୋ ପାଇଁ ଏଇ ପୃଥିବୀରେ
ଦ୍ଵିତୀୟ ଈଶ୍ୱର ।