ଦିଦି ଆମ ଏକ ନମ୍ବର
ଦିଦି ଆମ ଏକ ନମ୍ବର
ପାଠରେ ଶାଠରେ ସବୁରେ
ଦିଦି ଆମ ଏକ ନମ୍ବର
ହସରେ ଖୁସିରେ ମଜାରେ
ଦିଦି ଆମ ଏକ ନମ୍ବର
ରୂପରେ ଯେମିତି ଗୁଣରେ ସେମିତି
ଭିତରେ ଯେମିତି ବାହାରେ ସେମିତି
ମନରେ ରଖନ୍ତି ନାହିଁ ନିଜପର
ପାଠରେ ଶାଠରେ ସବୁରେ
ଦିଦି ଆମ ଏକ ନମ୍ବର...... (0)
ମାଆ ପରି ମାଆ ଟିଏ ପୁଅ ପାଖରେ
ଝିଅ ରୂପେ ଦେବୀ ସିଏ ବାପ ଘରରେ
ଦୁର୍ଲଭ ଘରଣୀ ସିଏ ସ୍ଵାମୀ ମନରେ
ଆଦର୍ଶ ଶିକ୍ଷିକା ଟିଏ ବିଦ୍ୟାଳୟରେ
ଗୀତରେ ଯେମିତି ନାଚରେ ସେମିତି
ଶ୍ରଦ୍ଧାରେ ଯେମିତି ସ୍ନେହରେ ସେମିତି
ହେବେନି କେହି କେବେ ସରି ତାଙ୍କର
ପାଠରେ ଶାଠରେ ସବୁରେ
ଦିଦି ଆମ ଏକ ନମ୍ବର.... (1)
ଦୟା କ୍ଷମା ତାଙ୍କ ଠାରେ ରହିଚି ଭରି
ଗୁଣବତୀ, ରୂପବତୀ ସୁଯୋଗ୍ୟା ନାରୀ
କଥାରେ କଥାରେ ମୋହି ନିଅନ୍ତି ମନ
ସଭିଙ୍କ ହୃଦୟେ ସିଏ ରୂପେଲି ଜହ୍ନ
ସୁଖରେ ହସାନ୍ତି ଦୁଃଖରେ କାନ୍ଦନ୍ତି
ବିପଦେ ଆପଦେ ଠିଆ ସେ ହୁଅନ୍ତି
ସେଥିପାଇଁ ଲାଗନ୍ତି ସେ ଆପଣାର
ପାଠରେ ଶାଠରେ ସବୁରେ
ଦିଦି ଆମ ଏକ ନମ୍ବର.... (2)